منتديات روعة الكون - وش يسوّي من تولّع في هوى بنتٍ صغيـره

وش يسوّي من تولّع في هوى بنتٍ صغيـره وحضريـه!؟
شيخة ٍ فيها من أوصاف الجمال أجمـل تواصيـف ومزايـا
طفلـة ٍتلعـب علـى قلبـي ولامـن قلت:قالـت وش علـيـه!؟
دام قلبـك صــار مــن حـظـي أبلـعـب فـيـه قــداّم الصبـايـا
جننـتـنـي وإبتـلـيـت بحـبـهـا يالـعـنـبـو هــــاك الـصـبـيـه
تستحـل اللـي تبـي مـنّـي وتـرقـد داخــل فـيـاض الحنـايـا
مالـهـا عـنـدي شبـيـه بعشقـهـا تمـلـك جـنـون الجـاذبـيـه
تستثيـر العاطفـه والشـوق وتهلّـي بـهـا عــروق ٍضمـايـا
عقبـهـا ماللـغـرام عـيـون وألـغـت كــل مـعـنـى القابـلـيـه
من هي اللـي غيرهـا لاسولفـت لـي تبتسـم كـل الشفايـا؟
منهي اللي لاضحكت حجاجهـا يضحـك بحـب ونرجسيـه؟
الله أكبر يادلال عيونها ياضحكة ٍفيهـا تسّـوي بـي سوايـا
الثـنـايـا حـــب رمــــان ٍتـشـكّــل بــالــورود السـوسـنـيـه
والعـسـل بـيـن الــورود الله ياحـلـو الـحـلا بـيـن الحـلايـا
لاأقبـلـت كـنـي أحـــس بـداخــل الـخـفّّـاق دحـــه وايـلـيـه
عطّـرت جـو المـكـان بشوفـهـا وإستانـسـت كــل الـزوايـا
كنت أحسب إن الهوى من قبل أشوف عيونها كذبه غبيه
شفتهـا غيّـرت تفكيـري وقلـت إلاهـي مـن أغــلا العطـايـا
فاتنه فيها دلع زايد وفيهـا عاطفـه يعنـي تسمّـى عاطفيـه
مايشابـه ملحهـا إلا وجهـهـا الـلـي ضّــم بــرواز المـرايـا
معجبه في نفسها وشوي مغروره تقلّد حب ليلى العامريه
ودّها إني مثـل قيـس أكتـب لهـا أشعـاري وأقدمهـا هدايـا
شاعـره مـدري تحـب الشعـر لكـن لاحكـت لــي شاعـريـه
سلسبيـل إسلوبهـا يعكـس حقيقتهـا علـى عـزف الحكـايـا
إضحكت مرّه وقالـت :لـي طلبتـك خـذ عيونـي لـك هديـه!
قلـت: بعيـونـك هــلا وأنـتـي هـلابـك يابـعـد كــل التحـايـا
والله إني كل ماغّنا حمام الورق جرّيت اللحون السامريـه
وإبتديـت أفتـح ملفـات الغـلا وأكـشـف بـعـد كــل الخفـايـا
يابعـد عمـري نسيـت بشوفـتـك كــل الـحـروف الأبجـديـه
إبـــدوي ٍ مـاعـرفـت الفلـسـفـه وأرعــــى مغاتيـرالـنـوايـا