منتديات روعة الكون

منتديات روعة الكون (http://roo3.net/vb/)
-   مــنــتــدى الــحــكــم والــقــصــص (http://roo3.net/vb/f17.html)
-   -   مديره عازبه (http://roo3.net/vb/t16283.html)

راعي الطيب 29-06-2007 05:20

مديره عازبه
 
:Copy (2) of Copy ofالسلام عليكم


تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها

المدرسات سلامات وينك يامديرة ؟

قالت لهن باركولي تزوجت.

قالن مبروك يامديرة ولكن منهو زوجك ؟.

قالت لهن بصراحة زوجي هو زوج إحداكن.

المدرسات تكفين علمينا أي وحدة منا ؟

قالت المديرة والله ما أعلمكن .

المهم لزّمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها

خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها

واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال .

وافقن المدرسات على الطريقة.

ويوم جاء بكرا وكل وحدة مزهّبه معها الدراهم.

جت الأوله والثانية والثالثة والرابعة حتى العاشرة والمديرة تاخذ الدراهم .

يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين

خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت

المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة

وقالت يعني بتاخذين الفلوس المهم اخذتها المديرة .

ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .



المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني

تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟

قالن لين الحين مابيّن شي والمديرة عيت تاخذ الفلوس لين نحضر كل المدرسات ( يلعبن عليها بس

يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين .

المهم جت تسحب رجليها بالقوة ويوم جت تدخل المدرسات كل وحدة مبسوطة انها مهي هي وبدن

يسمّن على المدرسة ال 24 عشان ماتنصدم .

دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة

الخمسمية على الطاولة وضفتها المديرة .

يوم طلعت لقنها عايدية وماصار شي وفلوسها أخذتها المديرة .

قالن يابنات فيه وحده منكن ماخذت المديرة دراهمها ؟

قالن لا والله كلنا اخذت دراهمنا .

ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟

قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين

عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح

المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف

للمسجد .

قالن المدرسات برّدها الله بالعافيه فداك الدراهم ولو تبين زود عطيناك هو صدق بس رجالنا

ماتزوجوا علينا.

الملاك الحزين 29-06-2007 07:43

بسم الله الرحمن الرحيم
السلام عليكم ورحمة الله وبركاته

يعطيك العافيه
وشكرا على جهدك بقسم القصص والحكم
واتمنى منك الاستمرار بهاذا الابداع
ونحن في إنتظارك وإنتظار جديدك

walOoOoOdy 08-07-2007 03:44

السلام عليكم ورحمة الله وبركاته
بسم الله الرحمن الرحيم

يسلمؤؤؤؤ على المووووضوع الرااائع ويعطيك ربي الف عافيه
ووالله لا يحرمني من جديدك ومن ابداعاتك

وانتمى الاستمرار في هذا الابداع ومشاراكاتك في قسم الحكم والقصص

تقبلي مرووري:

القنااااااص

كويتي تكانه 08-07-2007 05:14

يسلموووووووووووووووووووو عالقصه
يعطيك العاااااافيه .
تقبل مروووووري
كووووويتي تكاااااااااااااااانه

صاحبة السموF 08-07-2007 11:16

مشكورررررررر على هالقصه



ويعطيك العافيه وتقبل مروري




\\\\\\\\\\\\\\صاحبة السموF


الساعة الآن 12:02.

Powered by vBulletin® Version 3.8.7
Copyright ©2000 - 2025, vBulletin Solutions, Inc.

منتديات روعة الكون