شيب عيني يوم لديت عينـي للشمـال=شفت برقن لاح والمـزن روح يتبعـه
سقت رجلي مع مزونه وعيني للخيـال=لين جتني من لحون القصايـد قرقعـه
ياقصيدي كانك انت الدوا وانت الزلال=والله اني بيتك الصعب غيـر اطوعـه
لاكن اني عارفن حالتي والحال الحـال=من سبب فرقا وليفـن قليبـي ضيعـه
وجدي حالي صاحبي مبعدن والشك زال=شوف عيني قلبي من الحنايـا يشلعـه
الله اكبر كيف ينسى الهوا واحلى الليال=يوم جسر الوصل بيني وبينه نصنعـه
لا ذكرت الخد والعين ورموشن كحـال=جبت ونه من ظميري تقـد وموجعـه
ليه يذبح عشقي اللي معه وافي خصال=ليه عقلي في فراقـه يصـد ويفجعـه
لاكن ان الحب يصرع مطانيخ الرجـال=والهوا لا صاب قلب الهواوي يمزعـه
علميها كيف صبري غدا مثل الجبـال=ثابته في وجه ريحن تسوق الزوبعـه
علميها كان فالبعـد بيمـوت الوصـال=مايموت الحب بقصى ظميري مودعـه
علميها كل ماشفت برقن مـن شمـال=ثم هبـت ذكريـات الغـرام الممتعـه
مادريت الا ودمعي على الخدين سـال=لعنبو درب المفارق على اللـي يتبعـه