منتديات روعة الكون - قصيدة اخووووي الله يرحمه؟؟

بسم الله الرحمن الرحيم
يالله ياللي بيدك الحق منصور
ترحم فقيد مات واعزتيله
من مرجعه يا ناس قد قام مأمور
ساقه إلا لين واجه مصيره
جتني علوم القرم مع طلعت النور
وسلمان نعم الرجل كثروا مثيله
يا بو فهد عزيت لي فرحت مسرور
وسليت قلبي من هموم ثقيله
سلمت يا سلمان يا محكم الشور
من قدم المعروف يلقى مثيله
من قارب آل سعود يسير في نور
أهل العداله والعلوم الجميله
ما قدمت يمناك في اللوح مسطور
وما كتب للمخلوق لآزم يجيله
مرحوم ياللي في ثرى العود مقبور
فقيدنا كل العرب تدعيله
عساه في الجنات يالله مسرور
في جنة الفردوس ممسى ومقيله
موت الشرف راعيه ما هو مخسور
علي غدا قدوة لعصره وجيله
في موتته يا ناس ماني مخسور
في واجبه والموت ما فيه حيله
يالله يا معبود يا خالق النور
تعوضني بالصبر في كل ميله
ما ذقت فرقى الأبن يا كل مغرور
فرقاه صعب على أسرته والقبيله
من مرجعه شجعان قد حكموا الشور
عشية الأثنين جموع كثيره
قد شاركت الاقسام والكل مشكور
حفو بقبره كلها تدعيله
آشوف ربعه كلهم كانوا حضور
قاموا بعزاه وذاك طبع القبيله
وربعي آل غراب قوم لها دور
في ساعة الشدات نعم القبيله
تكرم سبال الضيف ويروح مسرور
مثل الجبال اللي تراه وحيله
والبيض لابن مشيط وأقول مشكور
وقف معي وقفة غلام جميله
هذاك طبعه في المحاضر ومخبور
أبوه قبله له فعول جميله
دنياك لطابت لك أيام ودهور
لابدها تسقيك كاس المليله
من يآمن الدنيا فذاك مغرور
دنيا تقلب بين يوم وليله
ختمانها أصلي على صافي النور
بعداد من طاف الحرم كل ليله
>>>>>>>>>>>>>>>>>>>>>>>>>>>>>>>>>>>>>>>>>>>
هذه الأبيات من والد المرحوم/ علي سعيد عوض الغرابي
""" فقيد الدوريات والنجدة بالرياض"""
الذي شائت إرادة الله عز وجل أن يكون شهيد في خدمة الدين والمليك والوطن
2/5/1410 هـ