منتديات روعة الكون - ما تحتاج عنوان

السلام عليكم ورحمة الله وبركاته ..

لن اطيل في مقدمتي..

اتمنى ان يكون الجميع بافضل صحه وعافيه..

إلى النص :..

رجع يسـأل عـن اخبـاري بعـد غيبـة سنـه وشهريـن "
" رجـع شايـل وجـع صـدره وقـال : ارجـوك واسينـي
رجـع كـنـه يحسبـنّـي سعـيـد بدنيـتـي أو زيــن "
" واهـو مايـدري الدمـعـه لــو إتراخـيـت تسريـنـي
دمع... / هل الوجع .... / كنه جمع فـي غيبتـه جرحيـن "
" وانـا عينـي بـدت تدمـع عـلـى حـزنـه وتبكيـنـي
يقـول : الدنيـا خانتـنـي وبـعـدك ياصـقـر سكـيـن "
" ولا احــدٍ ياصـقـر غـيـرك يقـدرنـي ويراعيـنـي
طبيبي .. / ضقت بغيابك , حبيبي .. / حيـل انـا مسكيـن "
" وانـا جيتـك بهالليـلـه وتكـفـىىىّ!! لا تخليـنـي !!
وانا........؟ لامن نطق ( تكفى ) عطيته لو طلـب هالعيـن "
" واجـود بكـل مـا يملـك خفـوقـي وتمـلـك ايديـنـي
وقلت : ابشر ... / ولا يهمك ... / تدلل .. / وش تبي يازين "
" تـرانـي قــدوة عيـونـك لـوّنـك جـيـت تشقيـنـي
حبيبي...!! لو تبـي القمـره ..؟!! عطيتـك فوقهـا ثنتيـن "
" بعد لـو تطلـب النجمـه ابنطـق : جيتـك... / اضوينـي
بعـد هـذا ضحـك بعثـر همومـه سلـهـم الرمشـيـن "
" وقــال الله ياطـيـب وانـــا ظـنـيـت ناسـيـنـي
صراحه......؟ حيـل تحرجنـي يطيـب ياطيـب الغاليـن "
" ولا ادري كيـف ابوفيلـك حبيـبـي وانــت تعطيـنـي
وحـط ايـده علـى صـدري وغمـز وارخالـي الجفنيـن "
" ياويلـي لا ارمشـت عينـه وحــط عيـونـه بعيـنـي
تعـال وعــاد دورنــي بحزتـهـا وشفـنـي ويــن "
" مابين العيـن..../ واطـراف الشفـاة.../ وصـدر كاوينـي
بـعـد هــذا تسامـرنـا وتواعـدنـا بـعـد يومـيـن "
" ووصيتـه علـى قلبـي واهـو مثـلـي..../ يوصيـنـي
تواعدنـا علـى الجمـعـه ولا جـانـي إلــى الاثنـيـن "
" وطاف... / اسبـوع .../والثانـي وشوقـي يشتغـل فينـي
تصـدق عـاد يالسامـع..؟ ولا جانـي إللـيـن اللحـيـن "
" وقبـل تسـأل عـن اسبابـه .؟ بجـاوب وانـت واسينـي
لإنـه مـات فـي حـادث وانـا مـت بغيـابـه لـيـن "
" عرفـت إنـي كـذا ببقـى ولا احـدٍ يـقـوى يحييـنـي

وسلامتكم..

شكراً لكل من وصل إلى هنا