الى كل بنت , لو تبي عريس تعالى ؟؟؟
 

الخطة السرية لأصطياد ت ( عريس )...

الى أختى اليك هذه النصيحة والخطة المحكمة للحصول على عريسك بأسرع وقت ممكن .

الى كل بنت ناشبة في حلق أهلها وماتصرفت مع انهم حاطين معها أختها مجانا ( لترويج البضاعة المتراكمة في البيت ) .


للاجابة على هذا السؤال اليك مايلي :

أهم نقطة : نشني على العجوز اللي حاطة عينك على ولدها ثم نفذي مايلي :

1 - خليك مع أمك لاتروحين مع البنات وتستهبلين ماورى ما ستهبلتي اصبري عنهن كم شهر لين تتم العملية بنجاح .


2 - امشي وانتي حاطة راسك بين كتوفك لاترفعينه أبدا حتى لو يصير كله صعارير ( خلي الفكس دائما في متناول اليد ) علشان يقولون مؤدبة ومب متكبرة .


3 - كلمة خالة خليها على لسانك وخاصة لأم العريس علشان تحس بنوع من التميز عن بقية العجز . لامانع تنادين وحدة ثانية بخالة علشان إذا مانجحت الخطة مع العجوز نمبر ون تنجح مع الثانية أعتبريها ( كخطة احتياطية ) يعني ستبنة أسبير .


4 - إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل ( كثر الطق يكسر الحديد ) أدري إن المثل ماله داعي بس مالقيت غيره .


5 - اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك ( جعلهم عقبك )


6 - مهما أكلت أمك من أكلة زينة خليها تقول : نفس الاكله اللي تسويها بنتي ( حتى لو الاكل من المطعم الصيني أو المكسيكي ) .


7 - اذا جيتي بتمدين ايدك جعلها الكسر ( خربتها ) اعبطي خشتك وتويجعي ( مب قوة علشان مايقولون جوارة ) وخلي أمك تقول : قايلة لك وأنا أمك لاتنظفين جدران الفلةالخارجية بس أنتي الله يهديك ذابحتك النظافة ( جعلي ماأبكيك أجل بتنظفين جدران الفلة نظفي غرفتك أول اللي تقولين ثايرة فيها قنبلة ذرية )


8 - دايم وبأستمرار ارتزي كأنك بالعة قصبة علشان ماينقص من طولك ولا سنتيمتر ( للقصيرات فقط ) .


9 - اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها ( بس لاتكتمين نفسك مرة أخاف تروحين فيها وأصير قتلت نفس بغير حق ) .


10 - مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة .


11 - شعرك افرديه لين يتحسحس لاتخلينه طاير وشوشة مهما كانت الموضة لأن العجز مايدورون الا اللي شعورهن ناعمة والا ياعمري اللي شوشهن طايره ماحد يلتفت يمهن .


12 - إذا أدلت العجوز ( أم العريس ) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي مثلا تقول العجوز: أمس بوش متقهوي عندنا قولي لها : وليه ماعلمتينا ياخاله نجي نعاونكم .


13 - في العروس لاترقصين اربضي واقضبي ارضك واعتبري الرقص عيب وشق جيب .

-اذا جا طاري السوق وطبعا هو لازم يجي الطاري لأنه ملح الجلسة عند الحريم خلي أمك ( الله يعظم أجر أميمتك ) بناتي مايطلعون للسوق أغراضهم أبوهن يجيبها ( وانتي شكلك مقطعه السوق تقطيع ) . احتمال وارد الحدوث

ممكن تكون العجوز منشنة على بنت غيرك لكن بعد النقاط السابق ذكرها بتصرف نظر عنك وعنها ( أمزح لاتصدقين ) .

الحين بتكون العجوز وقعت باالفخ

( جاء دورالعريس الحين )

اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له : والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعة علشان ماتقول بعدين غشيتوني ( ايه هين ياالشايب لو يحصل حطيت بدالها باسكال مشعلاني والا أليسا والا مايا هالي مطيراتن عقول عيالنا ) .

وقبل يجي اليوم اللي بيشوفك فيه بحوالي اسبوع أو أكثر ( على حسب شين وجهك ) ادهري من مشغل لمشغل ( صبغه ، فرد ، تنظيف بشره ، ... الخ ) لاتخلين على روحك قاصر .

ولما يجي المعرس خلي أخوك ياقف بجنبه عند الشباك علشان مايطول بالتبحلق ويبان المستخبي وذلك تطبيق لنظرية اللمحة ذبحة .


بعدها عاد كيف بيشوفك هذي عليك مب كل شيء بعلمك اياه دبري عمرك .

بس خلي أبوك في نهاية المشاهدة يقول : العذر والسموحه وأنا عمك ( الأخ ضمن الولد يوم انه يقول وأنا عمك ) ترا ( البنت حوسة ) مع انك طاقة كل زينك بس يعني اني في هاللحظة الولد بينط على راس أبوك وبيمطخه لين يشفط مخه وبيقول متى العرس ياعم ( اللهم ارحمه فقد كان ولدا بار بوالديه ) .

عاد الله يوفقك ولاتنسينا من حلاوة العرس والكليجا واياني واياك تعلمين التمساح من اللي معلمك هالعلوم ولا حتى باسم القروب لأني أعتقد انه بيسوى مصيبه وأخاف يحط حرته فيني .

تحذير ... تحذير ... تحذير

ابعدي عن أمهات العيال اللي متعلمات راعيات الشنطة مثل لون الجزمة لأن هذولي يبيلهم خطط بعيدة المدى .

نصيحه ... نصيحه ... نصيحه

رفيقاتك بيلاحظون التغيرات المفاجئة اللي صارت لك فانتي قولي لهم :انك خلاص انسانه عرفتي درب السنع والعداله

تدرين ليه ؟؟ خوفا من سرقة الفكرة الادبية ...



مع تمنياتنا لك بعريس على كيف كيفك

الله يعطيك العافيه على الموضوع ،

ننتظر المزيد.....

يعطيك العافية على الموضوع

تحياتي لك..

السلام عليكم
مشكووووووورين على مروركم
الله يعطيكم العافيه

ما ينفع مع عجزنا ولا امهات الاولاد هالكلام ولا يمشي عليهم

لانهم ما يبغوا وحدة جامعية تخرب ابنهم عليهم

لا والخطة الخمسية الجديدة متسعودة عشان تنفع عيالهم

الحمدلله على كل حال

بس أنا يا عزيزتي فيني طبع اللي مايبغاني زي ما أنا ما ابغاه

هذا طبعي ، شين زين احبه ولا أحب أغيره

يقولون اللي يقولونه ولا يقولون بعدين منافقة

وشفنا الكثير من زوجات اخواني اللي انخدعت فيهم أمي وانا ما احب اخدع أحد

تسلمي كثييييييييييييييييييييييييييييييير على هالنصايح

أن شاء الله البنات يطبقوها ويستفيدوا

بس انا ما ظنيت

ه الله يعطيك العافية ومشكووووووووورة على هذه الموضوع

يبغالي اجرب هذه الخطة بس ادعولي بالتوفيق


اختك (برنسيسة أبوها)

يعطيتس العافيه

وانا اقول ما فيه امل

ه
مشكووووووورين ع المرور
بس بجد بعدين يقولو علينا منافقات
الله يوفقكم

الموضوع مرة حلو ومشكورة عليه

العفو يا قلبي
ما انحرم منكم الله يسعد ايامكم