دكتور من مده وانا حيل تعبان =قلبي ذبحني ماعرفت اش علامه
ابي تعلمني وابي دون نقصان=وانا ترا مرضان وابغى السلامه
قال انت ماغثك سوى شرب دخان=خله ترا بأخره درب الندامه
ولاا نت يبن الناس عاشق وهيمان= قبلك وانا دكتور ياما ويامه
قلت الصحيح اني تعلقت بأنسان = مشيت دربه واتبعنا نظامه
هذاك ماشفنا مثيله ولابان=قفا عقب مالبسوه اللثامه
ابوعيون ٍ كنها عين شهيان=امكحله والخد فوقه علامه
والخصر ناحل والشعر فوق الامتان=وليا مشا يشبه لمشي الحمامه
امن اول ٍ في شوفته حيل شفقان=واجيه لو انه بعيد الاقامه
ادوره والقاه في بعض الاحيان = حيث ٍ دوامي مايصادف دوامه
مع هدت الطلاب من بين جيران= يجيبه اللي كافلينه عمامه
اليا لقيته جيت للبيت فرحان =وتزيح عن قلبي كبير الغمامه
واما ليقيته جيت للبيت طفران = تقول قامت فوق راسي قيامه