النت ده حاجه عجيبة خالص . .
تعرفت فيها على بنت . .
راسلتها في الميل . . وبدى قلبي ليها يميل . .
غابت عني أيام وليالي . . دورت عليها في كل مكان . .دورت عليها في (google ) و (yahoo) وكتبت يا ناس يا هو . .
حبيبي تايه وين ألقاهو ؟ . . ولا حد رد عليا . . !
نصحوني ناس الخبرات . . قالو لي دور عليها في الشات . .

الشات ده مليان بنات من كل الألوان والجنسيات . .
دخلت الشات . . ودورت من بين القنوات . .
ما لقيت نكها من بين النكـــــات . .كلمت لي زول من اليابان خبير في الكمبيوتر فنان . .
قلت ليهو هاو آر يو قال لي شنق ينق (فاين ثانكيو) . .
قلت ليهو أنا من السودان .. مشتاق لحبيبتي ولهان . .
و ده النك نيم ليها دلني عليهــا يا زول . .
أخد مني الزول النك وقعد يتكتك تك تك تك . .
لحد ما لقاها . . !

قالي ( شونق يق يق يو ) تلاقيها في . .
دخلت ليها . .
ولقيت حبيبي اللي ضيعتو . .
و بكل لهفة وشوق كلمتو . .

قالت لي : بدك شــو . . ؟
قلت ليها انتي البنت اللي أدور عليها من زمان . .
قالت لي : أنتا من أيا مكان . . ؟
قلت ليها أنا من السودان . .
وراسي مثل الرمــان . .
وكرشي شوي مليان . .
ولوني أفتح من الخنفسان . .
قالت لي : شو أفتح من الخنفسان . . !
ما معئوله هيك انسان . . !
أنا بدي راجل فهمان . .
أبظاي متل السوبر مان . .
ولونه أبيض فتحان . .
ما في منو في البلدان . .
ولأني حلوه ومن لبنان . .
وبمشي متل الغزلان . .
و وجي ينور متل الشمــــــع دان . .
ما بأبل أتجوز من السودان . . !
والا أفريقيا ولابلوشتنا . . !
بدي ويحد فتحان . .
أبيض مثل الأسنان . . !
ممكن يكون من لبنان . .
وإلا من شرق أوروبا والا حتى من كردستان . .
و الافضل خليجي جيبه مليان . .
لأني حلوي وبيضه من هذول أخلف صبيان . .
الزول بقى يقرى الكلام وهو زعلان . .
جالو اكتئاب وصار تعبـــــان . .
حتى مزاجه بقى إسبوعين خربان . .
كره حياته وصار ندمــــان . .
ترك النت وهو غضبــــــان . .
وراح يدور على عروسة سمرة من كسلا و أم درمان . .