size=6]عزف قلبي معاني الشوق وصار الشوق ميثاقه

دخيل الله على منهو خذاني بالغلا ولهان

حبيبي موطنه قلبي وانا بييتي من اعماقه

جميل الوصف مايكفي وعندي ياملا برهان

حجب نورالقمر نورة وغطى النجوم بافاقه

لكن هو نزل لحظهوخذاني للهوى سلطان

رسم فيني غرام الكون رسمني لوحه بوراقه

رسمها وابدع افنونه بريشه خطها فنان

على مبسم شفاته موت ونظرة عين براقه

يطيح الطير من عالي اذ خلي غمز بعيان

من الماضي الى الحاضر ملكني سلهم اشواقه

عطاني بالوفاء قلبه هدية مابغى اثمان

احبه حبل واحبه وحبه ساق خفاقه

على متن السحاب اللي جمعنا باعذب لاشجان

كنها ورده تشيل اشواق في باقه

تجمعها تلملمها وترسلها بلا عنوان

وانا اخذها وازينها ويهيم الود بحراقه

حديقة حبنا فاحت شذاها عانق الاوطان

مشاعر لمها قلبي وشاع النور بشراقه

شعاعه ظمني لحظه بدون انذار واستيذان

انا قلبي عزف شوقي وصار الشوق ميثاقه

دخيل الله على منهو عزافني داخله بالحان.[/size]