منتديات روعة الكون - {{بوح المشاعر}}

يفداك قلب بين الاضـلاع محتـاس

مذهول من بوحك والذوق ساحر

احييت فيني من لواهيب الاحسـاس

و جددت في عيني جميـع المظاهـر

دقيت في قلبي نواقـس الاجـراس

و جاوبتك بنوح عـن النـاس ساتـر

ياهووه انا من لوعة الحب وجـاس

مارخصت في بوحي ولو قيل شاعـر

اخفي خفا روحي عن ظاهر النـاس

اخاف من هرجـة جهـول و ماكـر

لاشك اخفي لوعتي بيـن الاقـواس

بين الضلوع ولو تفيـض المحاجـر

لي عز ما يرضى يبيّح بالاحسـاس

لي عز مـا يرضـى بحبـه يجاهـر

اخاف ماله بالوفـى اقـرب النـاس

اخشى مجرد بـوح باحسـاس عابـر

ابي وليفي صادق (ن) لي على ساس

ما ني من اللي بالوهم بات ساهر

ارجي وليف(ن) ارفعه بهامة الراس

لو جارت الدنيا لـه اقليـب صابـر

ماني من اللي كلمته كـذب وادلاس

عيبي وضوحـي صادقـه بالمشاعـر

ان كان حظي جايد(ن) لي فلا بـاس

وان كان دونه ما رتجي حب خاسـر

هذاقراري واضـح لـك بقرطـاس

هـذا قـراري واضـح للنـواظـر