وادعيني وامسحي دمعه بعيني .... الوداع صعيب لكن وادعيني..
 

وادعيني وامسحي دمعه بعيني .... الوداع صعيب لكن وادعيني

حاولي تنسين هاللحظه الحزينه .... ولا بعدت بعيد عنك ذكريني

اكتمي العبرات عني لين اسافر .... ماقدر اتحمل دموعك ساعديني

بالبدايه لا تقولين انتهينا .... فوق جرحي الاولي لا تجرحيني

ما انتهينا ما تفرقنا الليالي .... قلبي بيدينك وقلبك في يديني

خلي لحظات الوداع تصير ذكرى .... تبقى تذكار الوفا بينك وبيني

إنسي إنّا عقب لحظه بنتفارق .... عن هوانا عن غلانا كلميني

يكفي لا تقولين بالبعد نتغير .... مانتغير لا وربي صدقيني


مابي اسمع منك للنسيان طاري .... لا أبد ما انساك لا لا تظلميني

أنا كيف أنساك أنسى حياتي .... لو نست يسراي قصتها يميني

حبي أكبر حتى من كلمة أحبك .... ماقدر أوصف لك شعوري سامحيني

كل دقيقه تمر وانا بعيد عنك .... عن سنه بتكون من سبّة حنيني

واسمعي الكلمات مني وردديها .... أوعدك ما انساك لكن واعديني

بسم الله الرحمن الرحيم
السلام عليكم ورحمة الله وبركاته

عجز السان عن طريقة شكرك



على هاذا القصيد الرائعه


والجهد القدير


شكرا لك من اعماق قلبي

واتمنى الاستمرار بهاذا الابداع

يعطيـــــــــــــــــــك العافيه
تقبل مرووووووووووووري :algohara