تعبت اوفي مع الخاين ... تعبت اصدق مع الكـذاب ...
 

علمته يشيل السيف ويسله في وجيـه اغـراب
واول ماقـوى شيلـه رفـع سيفـه وتحدانـي


علمتـه الرمايـه زيـن ولايتعـب ولايرتـاب
واول ماقـوت يمـنـاه صوبـنـي ورمـانـي


علمته نظم الشعـر ولا يركـض ورى الالقـاب
واول ماكتـب بيتيـن كتـب عنـي وهجانـي


علمته يعاف الغدر ويوفـي بوعـده الاحبـاب
واول مافهـم قصـدي راح بعيـد وخـلانـي


تعبت اوفي مع الخاين تعبت اصدق مع الكـذاب
تعبت ارجيه وألجا له وهو ما يوم قـد جانـي


تعبت ابني صروح الحلم على شانه شقى واتعاب
ولا مـره شعـر فينـي ولا حـس باحـزانـي


غريبه كيف يتجرأ يسـوي مارفضـه اجنـاب
وهو اقرب من النظره لعينـي منهـا اجفانـي


انا اللي عشت له ديره عزيزه مالفاها اغـراب
وهـو كـان الوطـن اللـي نسانـي اوطانـي


سهرت الليل لعيونه رغم نومـي علـي غـلاب
مع هذا صبرت وقلت مـن شانـه انـا اعانـي


عيوني تنثر الدمعه وظني للاسـف قـد خـاب
وقلبي مات في سجنـه يـوم الحـب سجانـي


تموت افراح هالدنيا وانا كلـي بقايـا اسـراب
من هموما تعل القلب تشمـت فينـي عدوانـي


هناهم لا رأوا عيني تسهر في رجـى الاقـراب
وبكايا عندهـم يعنـي بقايـا عـزف الحانـي


سبب حالي خوي الدرب شمت فينـي الاغـراب
تركني بوحدتي اشقى بصـده لـي وهجرانـي


زمن مايعتـرف بالذنـب ولايستغفـر التـواب
زمن لاجـارت ظروفـه تغربـل كـل اكوانـي


انا عمري غدى تاريخ تضمـه دفتيـن كتـاب
على صدره كتب وافي وكان الحـزن عنوانـي


اشرح فيه معاناتـي عبـره ياأولـي الالبـاب
نهايتها ضياع العمـر فـي تدريـس صبيانـي


هذي قصتي باقسى مشاهد عشتها فـي عـذاب
بطلها شخـص علمتـه بعدهـا راح وخلانـي

السلام عليكم ورحمة الله وبركاته
بسم الله الرحمن الرحيم

يسلمؤؤ يا الغلآ على الموضوع الراااائع ويعطيك ربي الف عافيه

والله لا يحرمنا من جديدك

تحياتي:

القنااص

يسلمووو القناص على مرورك الرائع ولاتحرمني منه

يسلموووو ساره ولا تحرمينا طلتك ونورك منووره