منتديات روعة الكون

قصيده اعجبتني بنزف التضحيه بين احرفها
فاحببت ان انقلها لكم,,
إجرحيني لا بغيتي كان جرحي ابتسامه
المهم انك تكوني يا بعد ذاتي سعيده

روحي له الحين يالله وإسمعي صوته وكلامه
ولا تشيلي هم قلبي عيشي دنياك الجديده

قولي انك ما عرفتي في الحياة إلا غرامه
وقولي انك قبل حبه تمشي في دربك وحيده

لا تجيبي له طاري وتسمعي منه ملامه
سولفي عنك وعنه وصيري عن قلبي بعيده

وان بغيتي تعالي وعوضي فيني خصامه
وصدقيني في النهايه انتي وحدك مستفيده

دام قلبي من غلاتك ايتفزز من منامه
اشهد انه حيل حبك من وريده لي وريده

وكان همي بس اشوفك طايره مثل الحمامه
وان فرحتي كنت افرح واكسر بيوت القصيده

كنت اشوفك في عيوني مثل زرقاء اليمامه
وين ما قلبك يسافر كانت عيوني تصيده

شفتي هذا الكون كله بالرجوله والشهامه
لو بغيتيني ابيده والله لعيونك ابيده

كنت احارب لجل حبك والقوي اكسر عظامه
وصار قلبي لك اسير وصارت عيوني شهيده

انتي لو عني تغيبي صارت جروحي يتامه
خافي الله لا نويتي ولا تضحي في عبيده

كنت اسهر من غلاتك حتى ليلي ما انامه
وانتي مشغووله بغيري ودوم اشوفك تحت ايده

كان ودي بس احظى بحب قلبك واهتمامه
والشعر عنك اقوله وانتهي منه واعيده

كنتي امنيتي بحياتي وكنتي في قلبي مرامه
وان خذيتي العلم مني تطلع علومي اكيده

مركبي الغرقان بسك لا تزيدي في حطامه
كل ما المح نجاتي صارت امواجك شديده

صدقيني حيل احبك والوعد يوم القيامه
ويل منهو كان يكذب وكانت ذنوبه جديده

ما ابي من قلبك إلا طول عمره والسلامه
خلي بالك من زمانك دنيتك هذي عنيده

اتمنى يعجبكم ذوووقي بالنقل,,