منتديات روعة الكون - قصيدة بعروس الشمال

السلام عليكم حبيت اضع بين يديكم هذي القصيدة الغزليه
في عروس الشمال (حـــــ ـ ـ ـ ـ ـائل)
وانشاء الله تحوز على رضاكم

روحـــي بـــحــايـــل مــــا تــفـارق جـبلها
وحبي لها عــــيّا عـــلى كـــل الاوصـــاف
أفـرش حــــصــاهــــا واتــــوسـد سهلهــا
وأرقــــد بـــحضن جبال سلمى ولا اخـاف
اســــمــح واراضـــيــــهــا واداري زعـلهــا
واشـتاق لـــه شـــوق الطـنايـــا للاضياف
او شـوق سـمــر جــبـال حـايـل لاهلهـــا
وجـاوزت من حبي لـــهـا حـــد الاســراف
وعـينـي بـاجـأ مـا تـســمـع اللـي عذلهـا
وخشـــوم سلمى مثل شذرات الاسياف
قــــصـــــة غــــرام تــــراب حــايـل نـقـلهـا
تحكي على التالين من ما ضي الاسلاف
اجــأ تــــهــــضــــم عــبـرتـه واحـتـمـلـهــا
ولا هـــي بـــعــــادة عـــبرة الحـر تنشاف
وحـوّل عـلى سـمــر الجــبــــال ونـزلـهـــا
عـــن دار ذل عـــقـــب ما شـاف ما عــاف
وسـلـمـــى تـغـنـي لـه قـصـــايـد غـزلـها
علـــى الـــوفـا والـــود وسلـــوم الاشراف
وحـاتـم زرع عــــود الصــخـا فـي جبـلـهــا
وأوقـــد بشـامـــخ ضلعـــها نـــار الاضـياف
وعـنـتـر علـى سـلـمى ركــابــــه عـقـلها
وشحـــوا عـــليه عـيال سلمـــى بالانكاف
دار بــــهـا الشـلـقـان صــاغــــوا مـثـلـهــا
خـــويّهـم شـالـــوه مـــن فوق الاكـتـــاف
وقـصـة معشـي الـذيــــب مـحـدِ جـهـلهـا
يـــا مـــن يعد الذيب من عـرض الاضيــاف
وراع اللـــبــون اللــــي عــلـــيـنـا نزلـهـــا
تـــرعى لـبـــونـــة بـــالـــقـريّة والاكـنــاف
مـالــــوم مــــن روحــــه لـــحــايـل بذلـهـا
وأرخـص لـــهـا قـــلب مـــن الـــود ينــلاف

الشاعر ما اعرفه جتني القصيده مجهول على الماسنجر

\
\
\

[[~مشعل~]]