أنا ما هزني غيرك حبيبي بالبشر انسان
ولا حبيت أبد قبلك ولا أفكر أحب ثاني
دخيل الليل والقمر أو النجم في سمانا ضال
دخيل الحب وعيونك ودمعاً غرق أوجاني
أبي حبك يزلزلني يفجر داخلي بركان
أبيه يطهر جروحي يمحي باقي أحزاني
أبيك تكثر الرهبه وقلبك ممتلي أيمان
أبيك تشد من عزمي إذا همي تلقاني
أبي حبك ينسيني همومي وعالم الأحزان
أبي قلبك يصبرني إذا جيتك أنا اعاني
أبيك تشيل من قلبي معالم لوعة الحرمان
أبيك توقف بصفي أذا ظرفي تحداني
أبي حبك يجنني وينبش سماي ألوان
أبي قلبك يحسسني في صدق الحب لاجاني
أبيك الصاحب الوافي يحظى دايم بهيمان
أبيك العاشق المخلص يشافي دوم عطشاني
أبي عطشك أبي قربك أبي حب يكمل البنيان
أبي قلباً كبير لاملاه الشوق ناداني
أبي اسكن وسط قلبك لوحدي مامعي انسان
أبملك كل تفكيرك وتملك كل وجداني
أبي اطلب طلب واحد رجيتك وهو المهم الأن
وأنا ادري مستحيل ترفض لأنك جد تهواني
أبيك تعيش في قلبي اذا تسمح مدى الأزمان
أبيك تشوف ماتملك في قلبي وماتعداني