الحب واحد
 

الحب واحد مابه أول وثاني
واللي يعدد بين الأحباب كذاب
الحب صدق احساس وشعور ومعاني
ولاتغيره الليالي والأسباب
كل يمر بتجربات ومواني
وماكل نجم يسد عن نجم لاغاب
ماكل قلب كل مره يعاني
ويقول انا في الحب عدت الأحباب
واللي بطبعه في المحبه اناني
ناقص وفاء أوفاقد احساس واصحاب
الحب ماهو من كبار الاماني
الحب مركب ويغرق بزود ركاب
حبك بقلبي صار أول وثاني
وان قلت لك غيره فأنا اكون كذاب