ابدا بذكر اللي عليه اتكـــــــــالي = الله ولاغـــــير الله اشكــــــي له الحال
يالله ياوالي على كــــل والــــــي = يامنشين باعلا السماء مزن وخــــــيال
ترفق بحـــــالٍ من عنا البعد بالي=ذاق المصايب كلها الـــــــوان واشكال
مابين غرب الممــــلكه والشمالي = اقضي حيـــــاتي دايم الدوم رحــــــال
كله سبب شخصٍ ليــا من طرالي = قامت دمــــوعي فوق الاوجان تــنهال
عامين صابر صبر فوق احتمالي = عامين فيها شــــفت انا كل الاهــــوال
امحال يصبر من فقد شخص غالي =يصـــــبر على فرقا محبينه امحــــال
ودي بشوفه مير مالي مجــــــالي = بيني وبينه جـــاير الوقت قد حـــــــال
شوفه محال ولايجي فالخــــــيالي = دونه تحـــــطم داخــــلي كل الامـــال
لو كان شـــــوفه ينشرى بالريالي =والله ماذخــــر دونــــها كل الامــــوال
لكن شـــرع الحب مافـــيه مـــالي = مافيـــه ياكــــود العــــنا والتبـــــهذال
لاصار مابيـــني وبينه وصــــالي = ولاصرت يـــأس منه في كل الاحوال
احسن لي انسى وقتي الي مضالي = وانســــــى زمانن كنت انا فيه رحال
عسى السعاده في جديد اللـــــيالي = وعسى التعاسه ماتجي لي على البال

اهلا هلابك ياكريم السبالي = ياللي تحكر القاف وتصوغ الامثال
ياخالد الايام مرن وحالي = ياليت لي حيله عن الهم واحتال
ياحظ من قلبه من الحب خالي = ولاطب سوق الحب من دون دلال
اصفق يميني حيلها في شمالي = اخذت من غدر الزمن فال وعقال