منتديات روعة الكون - حوار بين الفيصلية وبرج المملكة

الفيصلية : السلام عليكم .... قوة ياوخيتي !!

المملكة : وعليكم السلام .. وشلونتس ياوختيي ؟

الفيصلية : بخير ياعلتس بخير ان شاء الله ... والله مشتاقه لتس ولسويليفاتس

المملكة : وانا والله أكثر .. وانشد وأقول :
يهتز قلبي كل ماحل طاريك *** هزة عماير بوش يوم أضربوها

الفيصلية : اضربوها ... صح لسانتس ... شفتي ياوخيتي الله مايترك أحد .. ياهي كانت متغطرسة واجد ورافعة راسها علينا !! هالامريكية ... هدها ربي

المملكة : أي والله الا وش دراتس عن هالعماير يوم اضربوها هاالمهبلين

الفيصلية : والله كلمني برج إيفل بالجوال قبل يومين وعطاني السالفة .. وأنتي من علمتس ؟

المملكة : يؤ .. للحين تكلمين برج أيفل ؟ ياثقل دمه ياهو بثر ويحب السوالف اللي مهيب زينة !! اما أنا فكنت جالسة اتكلم مع برج العرب وقالي بالتفصيل ويا والله هدت حيل وتمصع قليبي يا ويلي ويلاه !!

الفيصلية : يابنت الحلال هذي سواة ربي فيهم هالكفار ياما تجبروا وظلموا

المملكة : ما يخالف ماقلت شي يستاهلون بس عاد بهالطريقة ... والله اني صارت تجيني ام الركب كل مامرت طيارة !!

الفيصلية : لالا ماشاء الله عليتس ... انتي عندك هالفتحة اللي فوق تعدي منها الطيارة وتجلي .. أما انا والله جبهتي ظاهرة للمهبلين !!

المملكة : عاد راستس ياوخية منتفخ بزيادة .. الاعمى لو خطف طيارة بيشوفتس متبينة !!

الفيصلية : الا على طاري هالروجة اللي عندتس !! ماشاء الله أشوفتس بديتي توزعين بطاقات دعوة للحفلة!!

المملكة : هذي بطاقات الزيارة علشان يجون الناس ويتفرجون وياخذون فكرة عني

المملكة :إيييه ، يالله ياوخيتي كني أشوف طيارة جاية لها ساعة تدور بالعليا شكله يستهبل علينا !! ودي أسكر اللمبات لا تشوفني هالطيارة والله جتني ام الركب !!..

(ملطوووووووش)