منتديات روعة الكون

منتديات روعة الكون (http://roo3.net/vb/)
-   مــنــتــدى القضـايا الساخنـة والحـوار (http://roo3.net/vb/f35.html)
-   -   ((( هل تخجل من أن تمسك بيد زوجتك ))) (http://roo3.net/vb/t2574.html)

كبرياء أنثى 04-10-2006 12:25

((( هل تخجل من أن تمسك بيد زوجتك )))
 

بسم الله الرحمن الرحيم

السلام عليكم ورحمة الله وبركاتة
((( هل تخجل من أن تمسك بيد زوجتك )))



نعم... هذا سؤال جدير بالطرح...

هل تخجل أن تمسك يد زوجتك أمام الناس؟

هل هناك ما يحرم ذلك شرعا؟؟


ما بال (البعض) اذا دخل محلا نسائيا ابتعد الى ركن المحل و ترك زوجته تفاوض الرجل البائع و كأنها لا يعرفها؟؟

لم يعامل (البعض) زوجاتهم خارج البيت كما لو كن شيئا يخجل (بضم الياء) منه؟؟

أرى والله أشياء تقطع القلب في الأسواق ,, لماذا ..؟؟

استمع الى (البعض) حين يرد على زوجته بالهاتف او الجوال.... تتغيراللهجة الى الأسلوب الرسمي الجاف و يتعمد

الكلمات المقتضبة... وقد يضطر الى استعمال الرموز اذا طالت المكالمة!!!!


ما العيب في أن تحدث زوجتك باحترام و تقدير كما تفعل مع أصحابك؟؟

أو ليست هذه زوجتك.. حبيبتك.. شريكة حياتك؟؟

أو ليست هذه من شغفت بها في أيام الخطبة.. و طرت فرحا حين عقد لكما الشيخ... و كدت تلامس السماء من

الحبور و السعادة اذ زفوها اليك؟؟!!


هناك مشاكل ,,..؟؟:md:

لا تحاول إظهارها أمام الناس ..

الا تستحق منك ما يشعرها بأنها انسانة مهمة في حياتك؟؟ :hapy:
اليست هذه حال شريحة موجودة بقوة و وضوح في مجتمعنا؟؟



أرجو من الاخوه والاخوات المشاركه ونشوف آرائكم حول هذا الموضوع


ودمتم بخير ,,

°˚◦عـ1نقت طيفك◦˚° 04-10-2006 03:58

والله جبتيها على الجرح

يالله يامتزوجين هات ارائكم

عن نفسي اذا تزوجت ان شاء الله ناوي اطير انا وسحليتي بالدنيا كلها

وايدي في يدها

واللي مو عاجبه لا يطالعنا

بس مادري اخاف يجي يوم وامل من مسكة يدها

<<< يحب التغيير باستمرار

:)

على فكرة

فيه ناس اذا صار يتكلم عن زوجته يقول المرة وانتم بكرامة

ليه هي فيها شي نجس ؟؟؟

وربي شفت من هالنوعية ودخلت معهم في نقاش

لكن للاسف كان نقاش عقيم

لو ان فيهم نجس ماكان الرسول صلى الله عليه وسلم

ييتكلم عن امهات المؤمنين باسمائهن

والا ماكان عرفنا خديجة وعائشة وزينب وووووالخ رضي الله عنهم اجمعين

انا اعتقد انها مجرد عادات باليه

او ان هذا الانسان مريض نفسيا

كبرياء

اعذريني كلامي كثير

بس نفسي يدخل الموضوع واحد من هالناس اللي تفكيره زي كذا

لسبب واحد بس

ابي اعرف ليه يستحي من زوجته ؟؟؟

واذا ما يبينا ندخل في نقاش حاضرين

واذا كان مستحي من ذكر السبب

ياليت يرسله برسالة خاصة لي

والله مابي غير اعرف شو السبب

يعطيك الف عافية كبرياء

دمتي رائعة ؛؛؛

شيخة البنات 04-10-2006 04:30

ه من جد متحمس ياعانقت اعصابك وان شالله نشوووووفك عريس وماسك يده و....

بس ان شالله مايجي يوم واشوووفك بسووق وانت تنافخ عليها وشارد عنها


بالنسبه للموضوع فعلا هذا الشئ موجود ونشووفه دائما وفعلا شئ غريب

اتوقع لان اغلب الازواج يعتبر الزوجه شئ مفرررروض عليه عشان كذا يعاملها بقسوه

وفي بعضهم من مبداء مايبغا احد يقول عنه انها ممشيه كلامها عليه

بكذا يحااول دائم يظهر بصورة القائد والامير المطاع وانه صاحب القرار



الله يصلح الجميع مووووضوع جدا رائع وطرح قيم


تفبلوا تحياتي

ولـــد شـــيوخ 04-10-2006 07:27



اقتباس:

هل تخجل أن تمسك يد زوجتك أمام الناس؟

هل هناك ما يحرم ذلك شرعا؟؟
بقولك رأيي انا بصراحه ما أأيد ان الرجال يكون ماسك يد زوجته بمكان عام

يعني هم بالبيت ياخذون راحتهم لكن يمسك يدها بمكان عام مستنكر

بمجتمعنا السعودي ككل تقريبا لأن الكل سيلفت النظر للشخص اللي يمسك

يد زوجته او امه او الخ ..

بما انني لست متزوج حاليا فأنا اقول امي او أختي مو شيئ يخجل

لكن من الاحترام اني أمشي معهم بادب وان أخفض صوتي معهم

وهذا مايتسمى خجل هذا يسمى أدب ..
اقتباس:

استمع الى (البعض) حين يرد على زوجته بالهاتف او الجوال.... تتغيراللهجة الى الأسلوب الرسمي الجاف و يتعمد

الكلمات المقتضبة... وقد يضطر الى استعمال الرموز اذا طالت المكالمة!!!!
بصراحه هذا الموضوع المفروض مايذكر بالموضوع ولا يعمم انه خجل والمفروض اذا شفنا

ناس هذا حالهم نحمد ربنا فأغلب من يتصرف بهذه الطريقه أما عنده نقص بالشخصيه

أو يكون عنده عدم انسجام مع أهله سواء كانت حرمته زوجته الخ ... وهذا الأقرب في أغلب الأحوال


كبرياء انثى صراحة موضوعك واقعي بمعنى الكلمة .. احترامي لك ..

شيخة البنات 04-10-2006 09:17

انا معاك ياخوي مجروح ان مسكت يدها شئ مستنكر في مكان عام

ولكن انا اعرف واحده من صديقاتي زوجها ابداّ مايرضي ينزل معها السوق واذا كان ولابد ينزل معاها الصباح


يقول مايحب يقابل احد يعرفه وهي معاه وفي نفس الوقت عادي مايمنعها اذا جات تروح مع امها او اخواتها



لك تحياتي

ولـــد شـــيوخ 04-10-2006 06:41


انا ارى ان الموضوووع صار فيه الرجل هو المشكله الأساسيه

عزيزتي اسيره فيه اختلاف في الشخصيات وفيه اختلاف في شرائح

المجتمع فتجدين المرأه قبل الزواج متعوده تتكلم مع أبوها أو أخوها في الأماكن العامه

وكأنها في البيت ولما تتزوج ماتحاول تغير من حالها وتتكلم مع زوجها

بنفس الطريقه على عكس ماكان يشوف من امه او أخته قبل الزواج

لذلك الرجال تلقينه يستحي وما يحب ينزل معاها السوق "طبعا هذا مو عذر لكن قد يكون مبرر"..

وفيه حالات المرأه ماتحب زوجها ينزل معها السوق لييش لانه وسيم وتغار عليه

وتخاف تزوغ عينه لذلك بعض الرجال يحس بزوجته ومن زود حبه لها ماوده يضايقها

وماوده يفتح باب للشك بينه وبينها لذلك

تلقينه ماينزل معاها السوق ويخليها على راحتها ..

عالعموم تبقى وجهة نظر ..

°˚◦عـ1نقت طيفك◦˚° 04-10-2006 07:28

اقتباس:

لأن الكل سيلفت النظر للشخص اللي يمسك

يد زوجته
وش يعني لو الناس طالعوا لي وانا ماسك يدها ؟؟؟

عيب ؟

حرام ؟؟

بينزل من قدري شي ؟؟؟

احترم وجهة نظرك واعذرني ع التعقيب لكن وربي ابي اتعلم

اقتباس:

لانه وسيم وتغار عليه وتخاف تزوغ عينه
اسمحلي اخوي مجروح

بس تعلمنا بالفطرة

ان الرجال هو اللي يغير على زوجته حتى لو كان في جمال يوسف عليه السلام

مو يعني ان مالها حق تغير

لكن من المفترض ان تكون هي اللي ينغار عليها خاصة في السوق

لانها ممكن تشوف اوسم منه مثل ماهو ممكن يشوف احلى منها

وبصراحة التفكير بهالطريقة مايعجبني ابد

تشوف او هو يشوف مو مشكلة

اذا الانسان ماعنده وازع ديني ماراح يقدر فيه الطرف الاخر

اقتباس:

زوجها ابداّ مايرضي ينزل معها السوق واذا كان ولابد ينزل معاها الصباح


يقول مايحب يقابل احد يعرفه وهي معاه
خيتو اسيرة

خليها تساله ليه مايحب يقابل احد يعرفه وهي معاه ؟؟؟

شكلها غلط ؟؟؟

او فيها عيب كل الناس تعرفه ؟؟؟

او متزوجها مسيار ؟؟؟

وربي تفكير غريب

هذي زوجتي تزوجتها على سنة الله ورسوله

ليه استحي منها

صدقيني يمكن هو شيفة وما يبيها تشوف واحد من ربعه احلى منه

ولـــد شـــيوخ 04-10-2006 08:01

اقتباس:

وش يعني لو الناس طالعوا لي وانا ماسك يدها ؟؟؟

عيب ؟

حرام ؟؟

بينزل من قدري شي ؟؟؟

احترم وجهة نظرك واعذرني ع التعقيب لكن وربي ابي اتعلم
اخوي عانقت الناس أطباع فيه ناس ماتحب تجذب انظار الناس لها اي كان

وفيه ناس بالعكس يلبس ملابس ويسوي أشياء يبغى الناس تطالعه وانا من النوعيه الأولى ..


اقتباس:

اسمحلي اخوي مجروح

بس تعلمنا بالفطرة

ان الرجال هو اللي يغير على زوجته حتى لو كان في جمال يوسف عليه السلام

مو يعني ان مالها حق تغير

لكن من المفترض ان تكون هي اللي ينغار عليها خاصة في السوق

لانها ممكن تشوف اوسم منه مثل ماهو ممكن يشوف احلى منها

وبصراحة التفكير بهالطريقة مايعجبني ابد

تشوف او هو يشوف مو مشكلة

اذا الانسان ماعنده وازع ديني ماراح يقدر فيه الطرف الاخر
انا ذكرت أن الرجال بمجرد مايحس بالشيء هذا يخليها على راحتها

عشان يترك المشاكل وعلى قولتهم باب يجيك منه ريح صكه واستريح

وصدقني لو حاولت تلقى اسباب او حلول للمشكله راح تتشعب كثير

وراح تدخل في باب الغيره بين الزوجين .. الخ

" اعتقد ان المشكله راح تنحل مع الوقت "

°˚◦عـ1نقت طيفك◦˚° 05-10-2006 01:19

اخوي عانقت الناس أطباع فيه ناس ماتحب تجذب انظار الناس لها اي كان

وفيه ناس بالعكس يلبس ملابس ويسوي أشياء يبغى الناس تطالعه وانا من النوعيه الأولى ..


الله عليك اخوي مجروح

عن جد اسلوب سهل ممتنع

اقنعتني بطريقة راقية جدا

ليتك ماتغيب واجد عن المنتدى عشان نتفيد من نقاشك

احترامي لتفكيرك

كبرياء أنثى 05-10-2006 03:11

ما شاء الله رحت غبت شوي عن الموضوع قمتوا تتهاوشون


الله يزوجكم قولوا امين


عانقت & مجروح ويكابر & أسيرة


شاكره تواجدكم ونقاشكم الحلووو



الحمد لله أقتنعت عانقت


الساعة الآن 10:51.

Powered by vBulletin® Version 3.8.7
Copyright ©2000 - 2025, vBulletin Solutions, Inc.

منتديات روعة الكون