سلام الله عدد مالبرق يبرق والسحاب يخيل
 

سلام الله عدد مالبرق يبرق والسحاب يخيل
__________ مخاييل السحاب اللي يسر العين ماطرها
يخص اللي جديله ضافين واسود سواد الليل
_____________ يخص اللي كثير الناس فاتنها وساحرها
حبيبي حالتي صعبه ودمع العين مثل السيل
_____________ ترفق وارحم العشاق لاتكسر خواطرها
حرام انك تجافي من يحبك ياحبيبي حيل
_____________ حرام عيون من حبك كثير الهم يسهرها
امووت ان كان عينه لدت لغيري واذوق الويل
___________ وش ابغا بدنيتي لاراح ماضيها وحاضرها
عيونه عين شيهانه عيونن ماتبي تكحيل
____________ ومبسم كنه اللولو وصدر ونحل خاصرها
وعنقه عنق ريم وخدها يشعل كما القنديل
____________ خلقها الله قلوب الناس بالنظرات تاسرها
حلفت ان عاش راسي لاتبعه لو قيل مهما قيل
______________ قطعته عهد حرن مايعوقنه مخاطرها
انا ربعي هل الطاله هل الفزعات واهل الخيل
______________ والاياجاهلن ربعي ترى حمرن نواظرها
وختم السالفه صلوا عدد ماصب بن وهيل
_____________ على محمد صلاة الله باولها وباخرها

بقلم رحاال

ونعم بحمران النواظر


ونعم فيك يارحال


وصح لسانك مليار



وتحيتي لك

بسم الله الرحمن الرحيم
السلام عليكم ورحمة الله وبركاته

عجز السان عن طريقة شكرك



على هاذا القصيد الرائعه


والجهد القدير


شكرا لك من اعماق قلبي

واتمنى الاستمرار بهاذا الابداع

ونعم بحالك اخوي مشعل الشوق
وماعليك زود
وصح بدنك يالغالي

واشكرك على مرورك

ونعم ونعم ونعم ..


صح لسانك رحاااال ..

وننتظر جديدك ..

لا تطوووول علينا ..

ونعم بحالك اخوي شاعر الاحزان ولاعليك زود

كم اسعدني مرورك وتواصلك

انا ربعي هل الطاله هل الفزعات واهل الخيل
______________ والاياجاهلن ربعي ترى حمرن نواظرها


قدّها يالمطيري
صح لسانك
قصيدة جزله
لاهنت000