|
اطفال X اطفال
بسم الله الرحمن الرحيم
الســـلام عليكم ورحمة الله وبركــاته يختلف الاطفال في سلوكهم وتصرفاتهم ونفسيتهم لذلك هناك نماذج مختلفه من الأطفال كنا في يوم من الأيام مثلهم .. الطفل البريء في المنزل تجده حبوووب وطبيعي 100 % لكن مع دخوله المدرسة ( تنمحي ) شخصيته فتكثر الاصابات في وج لأنه لايدافع عن نفسه الطفل العنيد يطبق نظام البيت بالعناد يسوي اللي براسه لا يخاف من الأب أو الأم .. لو قلت له هذا خطر لاتقرب عليه عناد فيك بيروح يسويه .. يُــضرب كثيراً في طفولته ومع ذلك عنيد لا يغير رايه .. الطفل الحنّـان يستخدم وسيلة الحنية لتلبية رغباته له نغمه خاصه في المنزل تلبى رغباته كـُرهاً يعانون اهله من الصداع المستمر الطفل المادي هذا الطفل مايرد السلام الا ( بفلوس ) تعامله مع اهل المنزل مادي بحت يستخدمونه لتوصيل طلبات المنزل ونقل الاخبار.. وكل شي بحسابه الطفل الفتّــان تجد عند هذا النوع جميع اخبار المنزل يجد المتعه في اذلال غيره بالفتنه عليه هذا الطفل حتى لو شريت سكوته بفلوس توقع تلقى اخبارك ثاني يوم في قناة الجزيرة الطفل الدلوع هذا دلوع ماما وبابا يكرهونه باقي الاطفال لانه مرفه وشايف حاله عليهم تلبى رغباته قبل ان يطلبها شخصيته اتكاليه جداً الطفل العله يزعجك بأسئلته الي ماتنتهي يستفسر من كل شي حتى لو عطست قالك شلون عطست ؟؟ وليش عطست؟؟ وكيف تكونت العطسه ؟؟ يحرجك احياناً ويمكن دائماً بأسئلته مره بتجاوب عليه ومره تسف واكثر الاوقات مابتلقى اجابه لاسئلته لانك في الحقيقه تجهلها .. الطفل الحوّااط هذا الطفل مستحيل يجلس في البيت يعيش في الشارع اكثر من بيته خبره ودليل في كل ممر وطريق يعرف طول الشارع بالسنتيمتر من الممكن ان يصبح اذا كبر مهندس طرق الطفل الملسون يستانسون اهله على سوالفه فصيح جداً .. ويلقط العبارات والمفردات بسرعة مذهله يسبب احراج دائم لأهله من الممكن ان يقول كلمة بالغلط للضيوف او الاقارب يتميز احياناً بقلة الذووق والوقاحة اذا انفعل لاينصح بأستفزازه ابداً .. الطفل اللزقه تلقاه مسنتر عند باب البيت محد بيطلع الا وهو لازق معه .. حتى الضيوف من الممكن تلقاه يلزق فيهم ويطلع معهم.. يـُنـضرب كثيراً وخاصه من اخواته اللي اكبر منه .. لانه عباره عن رادار على طلعاتهم .. احياناً يضطرون يطلعو من نافذة المنزل للهروب منه .. ولكن للأسف يجدونه بانتظارهم في السيارة ويسألهم ليش تأخرتوا عليّه .. الطفل الهادي هذا الطفل ماله صوت ابدا وين ماتحطه تلقاه .. احياناً يهملونه اهله .. لانهم ناسينه واحياناً يلقى اهتمام زائد من اهله لو يموت من الجوع مايتكلم في كثير من الاحيان بتلاقي اهله ناسينه بالسوق او عند الاقارب اثناء الزيارات .. الطفل القوي ه والله عدنا وااحد ولد جيراننا محد سلم منه انا حتى انا فلعني كم مرة بحصى اهله دائماً في احراج و مشاكل مع الناس هرمون الاجرام مرتفع بنسبة عالية في جسمه .. في كل بيت طفل في ( منطقتهم ) تلقى له أثر وتوقيع .. يمثل القائد والفتوه .. يهابونه الاطفال .. يتقرب منه الكبار ويتوددون له حفاظاً على سلامة اطفالهم .. منقول وياليت كل واحد يقول لنا من اي الاطفال كان في صغره وسلامة قلوبكم ؛؛؛ |
امممممممممم بصراحه حيرتني
حسب إلي قريته أشوف اني أميل لثلاثه أطفال أولهم الهادئ ويليه البريء وأخره الحنان يمكن تستغربوا بس كان لازم اكون كذا لان جسمي كان نحيل وضعيف لكن انتبه تراني صاير بطول جوردن ^_^ يعطيك العافيــة عزيزي عانقت طيفك على الموضوع دمت بخيـر |
هلا وغلا ابو حميد
ترا الحنّان بتشديد النون الاولى يعني يحن ويزن حتى ياخذ طلبه :) سعيد جدا بمرورك عسى ما ننحرم من هالطلة وياهلا فيك ؛؛؛ |
مهما سووا يبقون زينة الحياة الدنيا
تسلم عانقت |
الله يسلمك
بس ماقلتي لنا انتي من اي نوع :) ويا هلا فيك ؛؛؛ |
اعتقد الطفل الهادي
لو امووت جوع ما اتكلم |
أدري يالغالي ^_^
بس انت ما تكلمت عن نفسك ما ودي اخمن :col: دمت بخيـــر |
اقتباس:
وطبعا كلهم يعرفوني بس ماطلعت مهندس طرق :) |
حلوه عانقت يسلموا اما انا والله وبصراحه الطفله الهادئه جدا لكن مع مرور الزمن تغيرت الى الطفله العنيددددددددده وسلامتكم |
هلاوين وشوعة العنيدة
سعيد جدا بمرورك ياست وياهلا فيك ؛؛؛ |
| الساعة الآن 04:53. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
منتديات روعة الكون