|
يمـــــــــــــــــة مريولي توسخ!!
يمـــــــــــــــــة مريولي توسخ!!
يـــمـــه .. تكفين اسمعيني ... يمـه بسألك شي .. جاوبيني .. هو صحيح اللي مات داخل القبر يصير حي ...؟؟؟ يــمـــه ... أسمع أنــا صوتك .. كل يوم اسمعه .. واذا حاكيتك هاوشوني .. قالوا انسي .. روحي يالله العبي .... !! يمه تعالي ارجعي ... والله خلاص بسمع كلامك .. ما اخرب العابي .. وان قلتي يالله .. روحي نامي .. أروح حتى ماتزعلي .. يمه تكفين ارجعي .. اليوم حطت لي المديره .. نجمه من فوق جبهتي .. يمه سمعتها تقول.. مسكينه هالبنت صارت يتيمه .. قالت لها ابله منيره .. مسكينه توها صغيره .. وش كانوا يقصدون ..؟ يمكن عشاني صرت عاقله .. ولا عشاني دايم اسرح يمه مريلولي توسخ .. ماكان قصدي اوسخه ... بس تذكرت انك تقولي .. بعد شهرين.. بشتري لك لبس ثاني .. يمـه تعالي اشتري ... يمـه عرفتي مها ..؟ صديقتي اللي معي .. زاعلتني .. تقول ماصرت انا اضحّـكها راحت تدور غيري عشان تلقى احد يونسهـا يــمــه يالله خلاص لاتمزحي يالله قومي تعالي معي للبيت ارجعي يمه يمممه نسيت شي .. بقولك ترى بيتنا صار فاضي .. ماحد يجينا .. وكل اللي فيه انا واخواني .. ليه وين اقاربنا ..؟؟ وين خالتي .. اللي كانت تجينا ... يمممه قوومي يالله تعالي .. تكفين يالله تعالي .. ماودي ارجع لحالي والله خايفه .. ترى امس جيتك .. مارديتي .. حسبتك نــايمه .. أو اقولك .. خلاص خلاص .. انا بجيك بكرى .. اذا راحوا من هنا الناس .. تكفين يمه بكرى اصحي .. تكفين يمه بكرى ارجعي .. |
اه بس
جميله ومولمه وعشت هذه المعاناه ولكن ليس في وفاة والدتي ولكن في وفاة زوجتي وارى كل ماتكتبين على عيون بنتي الصغيره رغد ثلاث انا مرات لاشفت موضوع ــــــــ اقراء وانسى ماقريته واجيهااااا لكن هالمره لها بخافقي طوع ـــــــــ يالين هلت دمعتي واشتكيهاااا وينه تركني سالي الفكر مقطوع ــــــــ وينها تركتني وبنتها ترتجيهااا |
الله يرحمها ويعوضك خير (يعطيك العافيه مشعل الذوق وصح لساانك والله يخلي رغووده لك وتعيش في احضانك انشاء الله ويعوضها ربي الحناان اللي فقدته منها فيك انشاء الله
دلووعه اهلها الله يعوضك خير ويرحم امك تشوفينها انشاء الله في جناات النعيم تحيااتي دلووعه امها |
دلوعة اهلها الخاطره مؤثره لدرجة تخنقني العبره
حتى اني ماكملتها للاخير وقفت ؟؟ اذا صدق فقدتي امك الله يعوضك حنانها بالدنيا ربي معاك ياقلبي كل وقت لاتتذمرين واخوي مشعل تتربى بعزك انشالله هذي الدنيا ماتخلي الواحد مبسوط الله يعطينا خيرها ويكفينا شرها وانشالله ربي يحفظها لك من كل سؤ مشـــــــــــــــــــاعل |
مزجتي الخاطره بالقصيده // امي
استطعت ان اعنون ماكتبتي بـ // امي بالفعل جميل ماكتبتي ونثرتي تيقني ان للبدايه خطوه وانتي بدأتي من دون خطوه // خطوات الى الامام دمتيـ بود .. |
بالفعل أبدعتي واتقنتي في ترجمه إحساسك على هيئه كلمات شكرا لك اخت الجميع الحنـــان |
| الساعة الآن 12:05. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون