|
طاش ماطاش.... قصيدة قويه ....تطيح فيهم طيح
الله من همٍّ بـ صدري بدا يجيش
%%%% يزفر كما البركان بـ صدري اليا جاش لو يضرب جبال الهدا طيّره ريش %%%% وخلا الوطى من تحت الأقدام تنخاش وفكّرت في دنياً بها الخلق ماتعيش %%%% وأخذت أنا في بحر الافكار مطراش يقطعك يادنيا تزعّم بها الديش %%%% بـ وقتٍ تغير واصبح الراس منداش ولد الحموله ذل وزمّر احتيريش %%%% وقامت تمخّشنا سلق طاش ماطاش ناسٍ مثل وصف الهلايم قرافيش %%%% ولو جبتهم للبيع عيفوا بليّاش ولو قمت أفتّشهم عن الطّيب تفتيش %%%% لالقى دواخلهم حثاريب وقشاش لاقام يمدح لك بـ نفسه بدا يطيش %%%% ماكنّه إلا اللي يسمّونه التّاش وهو حثالٍ من حثايل دراويش %%%% عايش مع الطيب سوا مثل من عاش أحب أنا الطيّب ولو ما عطانيش %%%% والا الرّدي لو يملك المال حتّاش يارايحٍ لم القصبجي وابو خيش %%%% وزميله السدحان للكذب محواش قل له عليكم من هل الفكر تفتيش %%%% وبيّن خطاكم ماعلى الناس يخفاش تمثيلكم كله سبايب وتمخيش %%%% تجار هرجٍ مابكم عز وعراش الهزو في شيباننا والغلط ليش ؟؟ %%%% وش الهدف واللي تريدون ياخياش !! إن ما تركتوا سب عماش وعميش %%%% والله لاشرشحكم مثل شغل مخراش واحذركم الكهرب شبكناه بـ الفيش %%%% وانتم بزارينٍ تحدون بـ فلاش وان كان عندك رد هاته وتلطيش %%%% دونك مطوّع عسر الأمثال عفّاش المرجلة بينك وبينه لوا جيش %%%% مالك على خطو الحثاله وما حاش حقرانكم للناس ما يجيبلكم عيش %%%% ومعيبةٍ في منطق العقل والجاش الهزو في شيباننا فيه تغشيش %%%% وغشّيتوا المشاهد بـ تزييف أبو شاش أذناب ناسٍ بـ الحكايا مطانيش %%%% نافخكم المدحور والريح تنفاش إن كان طموحاتك بـ عيشتك تبي تعيش %%%% فانتم وأنا وفلان ولدنا مامعناش وان كان طموحاتك فـ كسب المعاويش %%%% فـ الكلب في دنياه عايش ومعتاش ماينفع الطماع أكل البخاشيش %%%% ومن لا يتنومس خاب حظّه ولو عاش كلٍ تجر بـ الناس حتى الهتاريش %%%% و صاروا أهل مزرعه ودكان وقراش ومن صار عنده مال وبيده عرابيش %%%% حبّوه كل الناس لوكان حشّاش ولو هو رزيل وسِمْط رجلٍ تقل خيش %%%% يصَدّق كلامه لاتكلّم وهو ماش وإلا كريم الشهم من فطّرالريش %%%% اللي يكرم الضيف لاجاه طرّاش قرمٍ يشب النار بملفى المداغيش %%%% إلى أدبرت دنياه سمّوه هلاّش المال والدرهم وزين المعاويش %%%% أصبح بيدين العجز والخمع واللاش مادام بيدك قرش وعندك محاويش %%%% لو تخيّس المجلس على زل وفراش مادام عندك مال وبيدك عراميش %%%% لو تخيّس المجلس على زل وفراش قالوا مسامح عمّنا فيه تطريش %%%% راعي الدراهم عم لو كان غشّاش يوم الشنب بـ الوجه يفتل على ويش %%%% ماهوب لاكل الرز اولـ لِبْس الاقماش يفتل لياجن الركايب معاطيش %%%% وجلبت عِصي المرجلة يشريه كاش ياعل رجـلٍ مابـراسه نغاميش %%%% ياعل تبكيه الحليله وتنحاش لاصار مابه خير والطيب مافيش %%%% ماغير يجمع مال والصيت ماهناش عنده ملايين القضى مير حتى ايش %%%% ياكل ويشرب والهدف بس يعتاش ماهوب لا يقنص ولا له مطاريش %%%% ماهمّه الا عيشته مثل الادباش ياعل تلدغه المثن حيّة الحيش %%%% واللي فلا يداوى بها السم لا غاش الكلب عايش والنمل والخفافيش %%%% ماهو كثير الكل بـ دنياه معتاش مير الحكي لاجا المحطّات تشويش %%%% يبين فعل الطيب بـ عايش وعيّاش وتمّت وصلى الله على صفوة قريش %%%% على النبي ماتبصر العين بـ رماش |
دمت ودام نبض قلمك
دمت ودام نبض قلمك دمت ودام نبض قلمك |
بسم الله الرحمن الرحيم
السلام عليكم ورحمة الله وبركاته عجز السان عن طريقة شكرك على هاذا القصيد الرائعه والجهد القدير شكرا لك من اعماق قلبي واتمنى الاستمرار بهاذا الابداع |
| الساعة الآن 04:35. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون