|
عيـــب وشق جيـــب
بسم الله الرحمن الرحيم الزمان يتغير والحكاية تعيد نفسها عقول متحجرة وعقول متفتحة // \\ // زمان عيب وشق جيب بنت البيت ترد على التلفون الثابت وشوي شوي صاروا يتسابقون بنات البيت على رفع السماعة ويكون الأبوا حاضر ويترقب من اللي راح تتوج بالانتصار // \\ // زمان كان الدش خراب وإن دخل البيت ماتعدى مجلس الرجال واليوم في غرفة السنيورة ستلايت والراعي راضي // \\ // زمان كان الجوال بيد رجال وإن لزم الأمر كان بيد متزوجة واليوم الجوال صار حافز للنجاح تلقى الطفل والطفلة بثالث إبتدائي ونجاحتهم جوال والغريبة يدرون انه ماراح يستخدموه // \\ // زمان كان جوال أبو كاميرا شيء يخوّف وتكنالوجيا مرعبة حتى أنه منع من الأسواق وشوي شوي صار شيء عادي بيد البنت قبل الولد وهاتي n70 وn80 وعدد ماراح ينتهي من مقاطع خربت بيوت // \\ // زمان كان السواق ما يتحرك مع بنات البيت إلا بمحرم وغرفته معزولة عن الحي كله اليوم صار السواق هو المحرم البنت تطلع معه بسيارة مظللة وحجرتة بوسط البيت وصار يدخل ويطلع وأبو البيت في سبات بالاستراحة مع شلة الأنس // \\ // زمان كانت الأسواق ساكنة تجي الوحدة تشتري أغراضها وتمشي واليوم صارت منتزة وأيادي ماسكة الجوال برموز فاتنة وهاتي بلوتوث ورسايل وغراميات مع هذا وذاك حتى أبو هنود صار له نك نيم (( كل شيء بعشرة )) // \\ // زمان وزمان أنا ما أزكي الشباب بس المشكلة صارت في ازدياد اختلط الصح بالغلط وصاروا يسايروا الوقت يتعصبوا بالبداية والناتج رضا بالنهاية كذا التكنلوجيا ولا حنا ماعندك أحد ولا سبت ولا اثنين المهم السموحة ما كتب أعلاه مجرد تنفيس لفتح نافذة للنقاش معكم من خلال تعقيباتكم تحيتي بابتسامة |
موضوعك حلو وهادف
سبحان الله الزمن تغير والناس تغيروا زمان دخلت التكلولوجيا علي ناس جاهله بها وقع الكثر ضحيه للجهل بس الان صارو ا عارفين لها ووصلوا لمرحله الام والاب والابناء اصبح فيه وعي بين الناس وحذر انا ماانكر انه في شواذ لك تحياتي |
يسلمو ا عزيزتي كبرياء وكلامك عين العقل
كل شي تغييييييييير بالنسبه للجوالات فالعاقل خصيم نفسه انا عندي ملاحظه بسيطه على قولك انا ماازكي الشبااااااااااااااااااااب انا ماادري تقصدي الشباب مع الجوالات والا بالاسواق عندي ملاحظه بسيطه اتمنى تفهمها كل سحليه انا والله ماالوم الشباب في الاسواق ؟؟؟؟؟؟؟؟؟؟ بسبب المناظر المزريه للفتياااات والتي يندى لها الجبين والله العظيم في هاالزمن ما صااااار حجاااااب صاااار فستاااااااان انا وانا بنت تشد انتباهي مناظر الفتيااات وخصوصاً اللي لابسه عباايه الله بها عليم لماذا يافتيات الاسلام هذا العبث بالعبااءااااااااااات فهل يلام الشاب المسكين عندما يرى بالاسواق او في اي مكان هذه المناظر طبعا ياعزيزتي كبرياء انا اضيف الى موضوعك كيف كنا النساء العفيفات يلبسن العباءه (لااقصد المااااضي ولكن اقصد امهاتنا) وكيف اصبحن الفتياات في هذا الزمن يرتدينها اللهم احفظنا جميعا واهدنا يااااارب العامين ولتحاول كل فتاه وانا اولهن النظر الى عباءتها فإن كانت محرمه فالتبادر بتغيرها قبل ان تندم ولا ينفع الندم آسفه على الاطاله |
أسيرة الصمت
منوره الموضوع وفعلا الناس تستخدم التكلنوجيا غلط بس وش نسوي باخر الزمان يكثر الجهله شاكره مرورك حبيبتي |
هلا وشعه من زمان عليك وينك !!
شاكره الاضافه الجميله وفعلا كلامك كله صح البنات حتى برمضان مكياج كامل وعطور ,,,الخ والله يرفعون الضغط ما لنا الا الدعاء بالثبات والاكثار من يا مقلب القلوب ثبت قلبي على دينك منورتنا وشعه |
ربما مفهوم العيب يتغير .. وربما القناعات تختلف وربما الإعتياد على الشيء يجعله مقبول حتى لو كان في السابق جريمة .. والنتيجه أثبتت الدراسات بأننا كعرب أسوأ من يستخدم التقنيه الحديثه "نعم هذه هي العولمه " عزيزتي كبرياء لاحرمنا روعة طرحك .. |
اسيمحيلي اهنيك على الموضوع الرائع
لانه كل اللي كتبتيه كله يصير قدام عيوني مثلا اعرفلك عائله ولدهم توه بالابتدائي معه جوال كاميره افرضوا ان الولد جوه شباب وقالوا له نبيك تصور كل اللي في البيت ونعطيك فلوس الولد ببسوي كل شي عشان الفلوس والله نزولوا من عيني يوم شفت ولدهم معه جوال كاميره مشكوره كبريا على الموضوع الروعه تسلمين لي يالغلا |
الأروع وجودك مجروح في الموضوع
وفعلا النتيجه أثبتت الدراسات بأننا كعرب أسوأ من يستخدم التقنيه الحديثه الله يهديهم منورنا |
هلا فيك لحونه
والله أنا أختي قدام عيووني بالابتدائي ومعها N-70 ولا بعد تبي تجدده والله حاله أشكر لك مشاركتك منوره |
اقتباس:
ماتعرضه للبيع هذا بعد مثل بعض ناس :biggrin: |
| الساعة الآن 07:01. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
منتديات روعة الكون