الله اكبر كيف تقسى كيف تمنعني لجيك
 

حديثيني عن شعورك يوم قلتيلي مابيك
مقتنع باللي تقول وناوي(ن) ترحل بعيد؟
ناوين ترحل وانا اللي ياعيوني مشتريك
والثمن قلب(ن) يحبك غالي(ن) ماهو زهيد
الله اكبر كيف تقسى كيف تمنعني لجيك
تقفل ابوابك امامي والدفا اصبح جليد
نار حبك احرقتني حس باللي مهتويك
باقي شي(ن) مافعلته ضد قلبك يالعنيد
أحذف شماغي واقول داخل على الله ثم عليك
حذفت شماغ الرجال تكسر جبال وحديد
لوني ماكنت احبك ليش قاعد محتريك
ارجعي لي واتركينا ندخل الحب السعيد
عدت شهور وفصول وقلبي جالس يرتجيك
مايكفي اللي كتبته ياعيوني من قصيد؟
نوم عيني ماتذوقه بس تدمع تشتكيك
ياترى هل هو يصدق ان قلبك من حديد
زلت السانك انا ادري يوم قلتيلي مابيك
واجحدي انك نطقتي وخلي الدعوى جحيد
يابعد عمري تعالي والا لا قلبي يجيك
الشماغ وطار مني بس حبك يوم عيد

بسم الله الرحمن الرحيم
السلام عليكم ورحمة الله وبركاته

عجز السان عن طريقة شكرك



على هاذا القصيد الرائعه


والجهد القدير


شكرا لك من اعماق قلبي

واتمنى الاستمرار بهاذا الابداع