منتديات روعة الكون - ســــامـحـنــي .....؟؟؟

اتمنى ان تنال حروفي المتواضعه رضاكم من بعد هذه الغيبة.....؟؟

"ســـامحني"
بجاه الحب يالغالي تـرووف بحـال مظنونـك
تعلمني عن احوالك وش اللـي شاغلـك عنـي
.
.
عسى ماشر قد جالك عسى لون الفـرح لونـك
عســــــاك اتريـح قليبـي تـرى بعـدك مجننـي
.
.
حبيبي يابعد حالي ترفـق بـي علـى هـونـك
حلالـك ماتبـي منـي يكــــــــفـي لا تعذبـنـي
.
.
غيابك قطع انفاسي واشوف الموت من دونـك
تخيل من سبب بعدك احس روحـي تنازعـنـي
.
.
اعرفك من عرب نشمي وتشكر مـن بيهدونـك
واذا كان الخطي مني اجيـك بقـول سامحنـي
.
.
كلام الناس ما يجـدي تـــــراهـم مـا يهمونـك
وذا كان الخطا منك عسـى ربـــــي يصبرنـي
.
.
يغروك اللـــذي حولـك وصــدقنـي يحسدونـك
على حبن تملكنـا خســـــارة كيـف تجرحنـي
.
.
اجيك ودمعي يسبقني اخـاف انهـم يبعدونـك
ابين لك صدق حبي تقولـي خيـــر وش يعنـي
.
.
افا يا قلـب ياظالـم تـــــــطـاوع مـن يقسونـك
على خلن فنى عمـره بحبـك وانتـه تظلمنـي
.
.
نسيت ايام عشــــرتنا وكـل مـا فيـه يهوونـك
اناشدك الهيـام بحـس وانتـه بهـم تنـشدنـي
.
.
نسيــت اوقاتنـا الحلـــــووة زواياهـا يذكرونـك
يسالونـي عـن غــــــيابـك ارد بـاه تخنقـنـي
.
ز
احاول اني اتناسى خيالي وفكـري يطروونـك
ابي انساك لو لحظـة لـك الاشــواق تاخذنـي
.
.
اعيش وحالتي صعبة وذي من سبت اظنونـك
حكايات الغرام اللي فـي بالـي حـيـل بكتنـي
.
.
متى كانت دموعي يا بعـد عـــمـري يسلونـك
متى كانت .. وانا ان غبت عن عينك تعاتبنـي
.
.
متى كانت وانا في داخلي كل شـي يخاوونـك
تخليني احبك مــــــوت وفـي الاخـر تحطمنـي
.
.
تدوس اقدامك اجروحي من الرحمة ينزعونـك
جزاتـي صـادق النيـة مـــعاناتـن تذوقــــــنـي
.
.
اذا شقيتها اضلوعي لقـــيـت اعروقـي يبكونـك
.ابي انزع خفوقن في حشى صـدري يلوعنـي
.
.
ابي ارتاح من همك ابي انسى انـي مجنونـك
ابي ارحل عن ادروبك طيور الذكـــرى ردتنـي
.
.
تساوم في محبتنا ..حياتـي وروحـي يفدونـك
صبر قلبك على الفرقة وانا جرحــك متعبنـي
.
.
تقول اني انا المخطي وانـا متحمـل اديونـك
رميت القلب فبحورك وقصدك بـس تغرقنـي
.
.
بطل مغوار تستاهل علـى فعلـك يجازونـك
ولكن ما بقى اهدي لك سوى اهـات تحرقنـي
.
.
تعشمني بحب سامي وصرت احـلام مغبونـك
ياليتك كنت ياعمـري علـى القسـوة تعلمنـي
.
.
تعاهدنا انا وانتـه تصــــون الحـب واصــــونـك
وعودك للاسف صارت كذب واوهام تخدعنـي
.
.
أسف ترقص على احزاني وتعزف اجمل افنونك
اموت من القهر وانتـه علـى فرقــــــاي بتغنـي
.
.
مصيرك يوم تذكرني وتبكـي دمعـة اعيونـك
بعد ما هانت العشـرة بسيـف البعـد تذبحنـي
.
.
انيني ودمعي الاحمـر مـن الفرقـا يعزونـك
قتلت الحب بيدينـك تقولـي ذا غصـي عنـي
.
.
حسافة كيف هالاقدار على تعذيبـي يرمونـك
تصد.. عني تجافيني ولا همك مـدى حزنـي
.
.
شهيقي وزفرة انفاسـي مـن اللهفـة ينادونـك
ابيك اتجرب احساسـي غلـى حبـك تملكنـي
.
.
علام الهجر يا روحي تجدد جـرح مطعونـك
اسلمك الامـر كلـه بظلـم وقهـر تحكمنـي
.
.
تخذني لعبة بيدينك وانا اللـي كنـت مفتونـك
انا للحين ما اصـدق يجـي يومــــن وتتركنـي
.
.
عزاي اني احبك حب واحـب الـي يحبونـك
تجي باعذار مزعومة تقولي عقبهـا اعذرنـي
.
.
عزا يا قلبي الطيـب تحـب اللـي يجرحونـك
تغير قلب محبوبـي عليـه وصـار يـكرهنـي
.
.
انـا وانتـه تـــــــفارقنــــا الا يالله يـــــا عـونـك
ابي اعرف سبب بعدك حبيبي ارجوك ريحنـي
.
.
حسيبي الله من ربعن على هجـري يعلمونـك
حسيبـي الله مـن خلـن قــــــدر قلبـه يعذبنـي

حــمـد الــمــري