|
قصيدة الذاهبة اللي غناها خالدعبدالرحمن بس ماأدري من كاتبها
الذاهبة
الله اللـي راد والعقدة قضاها اللي عقدها *لا على الدنيا سلام ولا لباقي العمر زينة الفضـاء ما كـأنه إلا خيمة طاحت عمدها *والفرح ما كأنه إلا شيخ أنقصت يدينه والعمر قطعة زجاجي انكسرت ولا طال أمدها * والعرب في العيد بدموع اليتامى مستهينة والشوارع لفها ثوب الظلام اللي هجدها *والبيوت أطلال من عقب المحبة والسكينة *** والشتاء والليل والبرد وسماء يصرخ رعدها *والعيون اللي ورا الشباك مذعورة حزينة طولوا في الكهف الأصحاب وبقت روحي وحدها * كأنها في كوكب ثاني خلا من ساكنينه الوداع اللي بعلم العين يعبر من رمدها * والوداع اللي بلا علم جفا الصدر غبينة والوداع اللي بلا رجعة علي مر وأدها * والله إنه غرغرة سم وسكاكين سنينة *** والعنود اللي جفيت الناس والدنيا بعدها * مدت الفرقة لغاليها وهي تعطي الثمينة وينها كيف تركتني ليه ما جت في وعدها * والقمر لاطل خابرها تجي بيني وبينه رحت أنادي وأتلمس في مهب الريح يدها * كني إحصان بلا صاحب طوى البيدا حنينه رحت أصيح(الصبح وينه)والعرب ما رد أحدها * ما سمعت إلا صدى صوتي يقول(الصبح وينه) *** كأنهم من يوم ذيك الشمس غابة عن بلدها * طلعوني في النفود و سكوا أبواب المدينة كلهم من يوم ذيك الذاهبة محد وجدها * كل رجال من الشرهة قلع من الدرب عينه إثرها ماتت وماتت كل فرحة في مهدها * والربيع أقفت به اللي كانت التاج الجميلة جاورت عقب الحدايق حفرة ما أقسى لحدها * حفرة ما ني مصدق كيف ضمت ياسمينه *** للحزن فيني مثل ما لالطهاره في جسدها * وش أسوي لا فتشت اللي لها وسط الخزينة زخرفت حلم وبنت له مسكن وسمة ولدها * آه لو غرت ولدها في خميلة والدينه عاهدتني وأدبرت بيمين أقوى من عهدها * والصبي لا خير فيه إن كان ما نفذ يمينه ما تتقى عن رثاها عرق إكتض بشهدها * ولا تبقى خلف قضبان الجفن عذراء سجينة *** كيف عند العالم أيام العزى ما أحصى عددها * ولا لطالة شهوره والله أعلم كم سنينه لا الثرى فيها نبات ولا المشي خفف نكدها * لا السماء فيها طيور ولا البحر يمه سفينة لا القمر هذا مساه ولا العسي هذا رغدها * لا الزهر هذا شذاه ولا الذهب هذا رنينه قالوا الشيخ الفلاني مرجع القوم وسندها * قال أبشر بالعوض والعلم جينا ناقلينه *** قالوا الشيخ الفلاني مرجع القوم وسندها * قال أبشر بالعوض والعلم جينا ناقلينه ساق لك بدر البدور اللي نشدها من نشدها * قادرٍ هزة عروش خيبة روسٍ ذهينة قسمها في رسمها في جسمها إلا في رشدها * وأسمها إن جا للغضب قومه على الألسن رطينه أترك الناي وعطية شيخنا غن لسعدها * وأنبسط يا عم وأنسى اللي ورا التربة دفينة *** قلت ولصدري تناهيد تروع من شهدها * آه وويلاه من يجذب على قلبي ظنينه خلو أغلا ذاهبة ترعى ربيع اللي فقدها * والعطى راعيه محدٍ صوبه الله لايهينه لو ظمنت الجنة تفاحت القلب وشهدها * قلت من بكرة عسى مجنونها تاقف سنينه الله اللي راد والعقدة قضاها اللي عقدها *لا على الدنيا سلام ولا لباقي العمر زينة *لا على الدنيا سلام ولا لباقي العمر زينة* ((((منقول))))__________________ |
هلا فيك اخوى
صح السان قايلها والقصيده لها تاثيرها اقوى فى ترجمان معانيهاااا تقبل مرورى لاتحرمنى جديدك |
مشكووووووووووورعالمرووووووووووووووووووووور
وللمعلوووووووووووووووووميه أنا أختك مو أخوك ويعطيك ألف ألف عافيه |
مرحبا اختنا الغاليه
ومشكوره على النقل الجميل والقصيده التي كان لها من الجمال الشي الكثير والتي جسدت لنا روح الحب والحزن في صوره واحده تدرين ليه هي حلوه القصيده لان شاعرها اجمل واعذب وافضل شاعر عرفته الساحه الشعبيه في وقتنا الحالي الشاعر الذي يكتب باحساس وخيال ياخذ الجميع الى قلبه واعتقد اذا قلت اسمه الجميع يراهن بانه يستاهل والجميع سوف يقول ما اقول شاعرها الشاعر / ناصر القحطاني وكتب القصيده بعد وفاة خطيبته التي كان يحبها اكثر من حب ليلى ومجنون ولكن توفت وغادرت عالمه ، وكتب بعدها قصيدة سالفة عمري التي نشرت على القنوات الفضائيه وهي تكملت الذاهبه يسلم راسك وشكرا لك |
مشكور عالمرور
والله يعطيك العافيه على الرد والمعلومات القيمة ولا تحرمني من ردودك |
| الساعة الآن 02:22. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون