كيف ألومك والخطى ما هو خطاك
الخطى من قلبــي اللّــي دلّعـــك

قلبي اللي كل ماتطلب عطاك
ورفعك فوق السحاب وطلعك

ليتني ما قلت ذايب في هواك
غلطتــي بينت لــك قلبي معك

غرني برق تلالا في سماك
والنجوم اللي تدور وتتبعك

ضحتــك بشفــاك مشتني وراك
وياما قالوا ضحكة السن تخدعك

يا حبيبي يحق لك تجهل غلاك
الـــدلع خـــلاك تنسى مدلعــك

كانت إذني ما تبي تسمع سواك
حتى لو تهمس تحس وتسمعك

وينك أول كنت في عيني ملاك
روح وما ظني غرورك ينفعك