شفتها ياسعود بعد ماغابت سنين
 

شفتها يا سعود صدفه بعد ما غابت سنين *** عند قسم المختبـر وسط مشفى الجامعـه

جيتها ثم قلت ممكن في سؤالي تسمحــين *** ناظـرت فينـي بدهشه نظره متواضعـه

قالت انته تـحسبني من بنات صـــــايعين *** تـحسبني في زماني عن طريقي ضايعـه

قلت انا ماراح اطـــــــول كلبوها كلمتين *** وابعـدت عني شويه ثم جتنـي راجــــعـه

قالت اسال واضح انك من رجـال طيبين *** بس هرجك يالسنـافي كان وشهو دافـعـه

قلت انا حبيت وحده يـوم كنا صغـــيرين *** ومن ثمان سنيـن راحت للمواصل قاطعه

عقبهـا ماذقـت نـوم يهتنيــــــــه النايمين *** ساهر في طــول ليلي لين شـمسي طالعـه

اذكر انه فيه حبه فـوق ثغـــره من يمين *** واذكــــــر انه لاجـرينا كـن شعـره تابعـه

واذكر انـه عاشـق الورد والياسمـــــين *** وصار قلبي بالـورود اللي عشقهـا زارعـه

قاطعتنـي بقولها سبحـــان رب العالمين *** كـررتـــها مـــره .. ومــرتين .. ورابـــعه

قلت وشفيك وشبـــــلاك يابنيه ترجـفين *** ليـــش عينك يابنـــــــيـه من كلامـي دامعـه

قالت الموقف وقلبـي والمحبـه والحنين *** كــيف اشــوفك بعد ماكنــــت عنك قانعـــــه

قلت انا بســألك ان كانك انتـي تذكرين *** عـــن مواثـــيـق ثـمنها من حيــــاتـي دافعـه

قالت ظروف الزمان ماتطيـع العاشقين *** بيعونـي غصب حبك لو هو ماني بايـــــعـه

انا في دنياي حالي كنهـا حال الســجين *** حتـى لو فكـوا ســــــــراحه فيه شي ٍ مانعـه

زوجوني غصب واحد وحـرموني حاجتين *** السعـــــاده فـي زمانـي والحيـاه الرائعـه

والحــــين انا ام لثـــلاثه ريـم وياسمين *** والولد اسمه على اسمك والمشاعـر جايعـه
..............................................

يسلموووووو رروعه
ويعطيك العافيه

كلمات قمه فالروعه تقبل مروري

قصيده جميله


صح السان كاتبها

وايد وايد حلوه

صح السانك

صح السانك
لاهنت اخوى
مشكور على
القصيده الجميله

معانده الجروح ومحمد بن خالد وخاله كول وقيثار الحب


يسلمووو على المرور ويعطيكم العافيه


وتقبلو خالص تحياتي

يسلمو ولد عز وربي كلمات تعور القلب والعن الدنيا الي ماتجي على الكيف

تقبل مروري ولك خالص تقديري واحترامي

بنت العقيد / ندى