|
لماذا نحن السعـــوديين عالم آخـــر ؟؟!!!
بسم الله الرحمن الرحيم
أعزائي - عزيزاتي انا سعوديه من هامتي إلى أسفل مخمص قدمي! ولكن لماذا نحن في غير بلادنا غير؟؟ عندما نخرج من بلادنا ننقلب وكأننا زواحف!!تقلب جلودها حيث نرى المرأه بالحجاب الأسلامي وليس الحجاب الوهابي!! ونرى الملتحي وعائلته في اماكن مختلطه ونراه يصف مع الصفوف ليقطع تذكره ليشاهد فلم سينمائي؟؟ ومع صفوف إخرى لمشاهدة مسرحيه وووووووووووووووووووو !؟ ومن هذا المنطلق لماذا نحن عالم آخر؟ ومن المسئول عن ذلك؟ هل هم الأسره الحاكمه؟ او المؤسسه الدينيه؟ ام هو ثقافة المواطن السعودي؟ واقع يؤلمي وحبيت أخذ آرائكم ..... |
موضوع راااائع يستحق النقاش ...
أنا من وجهة نظري انه هذي الأشياء سببها الوازع الديني يعني لو يحطون في بالهم انه ربهم اللي موجود هنا موجود معاهم وين ماراحوا ووين ماكانوا ماسووا هذا الشي ... كثير من الناس داخل السعودية يلتزمون بالحجاب وإذا سافروا برا نسوه <<< يمكن الحجاب بالنسبة لهم عادة مش عبادة ومشكوووورة ياقلبي على الطرح الحلوو والمميز ... تحياتي ... |
موضوع جدا رائع يمكن انتي ذكرتي بموضوعك نقطه حلوه ومهم وهي انا اعتبرها محور الموضوع الا وهي ام هو ثقافة المواطن السعودي؟ ثقافتنا محدوده لاابعد الحدود وطبعا الوازع الديني له تاثير كبير لك تحياتي |
موضوع رائع جدا
بالنسبة للسعوديين يقولوا ان لم تستحي فصنع ما شئت يخرجوا ويذهب الخجل والحياء وسرعان ما يعودا فيعود اليهم الخجل والحياء والبعص يعتبرونه عادات وتقاليد البلد دمتي بخيــر ~Ma7mmad~ |
هلا أخواتي غاويه & أسيره
أوافقكم الرأي الوازع الديني عند بعض الناس الله يهديهم له أثر كبير في حياتهم زي وحده تقول ما أبي أتحجب يعرفون أني مسلمه يضطهدوني أو إني بالحجاب ألفت النظر بالعكس أحس الناس تطالع للمرأه المحجبه ويتعجبون من حرصها وشجاعتها للبسه مع أنها عارفه أن الدول الغير مسلمه ووالله للأسف حتى الدول المسلمه يكرهون الاسلام والمسلمين واكيد ثقافة المواطن لها أثر بس مو مثل الوازع الديني وقوة الايمان اللهم ثبتنا على ما يرضيك ................. منورين أخواتي |
موضوع جديد وحلو
وانا اقول هذا يمكن يرجع للرجعية التفكير بان الاعادات والتقاليد ما تطبق الا في البلد الي انت عايش فيه وزي ما قال اخوي محمد اذا طلعوا برى السعودية افصخوا الحيا وان لم تستحي ففعل ما شئت ارق تحية black dragon |
والله كلامك صحيح أخي محمد
فعلا العبادات صارت عادات الواحد مو مركز في صلاته تلاقيه أتوماتك يقرأ وهو مو داري للأسف والأكثريه تحسب الحجاب وارتداء العباءه عاده وواجب في السعوديه وخوفا من الهيئه ورجال الدين وتنسى مين الي أمرها بذلك يارب نسألك العفو والعافيه .................. شكرا لمشاركتنا معنا رأيك ... |
والله من وجهة نظري انه الانسان العادي اللي بالدين زي ما يقولون طقها والحقها هم اصلا ما خرجوا الا علشان يتونسون ويشوفون وش العالم فيه وبصراحه لاتخص السعوديين كلنا مسلمين فبطبع انه اذا سافرت الى الخارج
لابد في معظم الحالات يكون هناك تنازلات عن شي من الدين......سمه ماشئت فسوق ....ضعف... لكن انت مجبور في بعض الحالات.. وشكرا |
احترم رأيك أخي st4lker
اقتباس:
والله محد مجبور يترك شي من دينه غصب ان شاء الله بيحرقوه أو يعذبوه المؤمن متمسك بدينه وإلي يبي السعاده والوناسه والله لن يجدها إلا بعد تذوق حلاوة الإيمان فالقابض على دينه هالأيام كالقاابض على الجمر شكرا أخي للمشاركه يا مقلب القلوب ثبت قلوبنا على دينك .... |
موضوع جميل جدا شاكره للجميع وعلى
ماقالت اختي كبرياء مااحد ملزوم على ترك شي من دينه يمكن للواحد سافر برا ويلتزم بالحجاب وباعاداته ومالااحد خص فيه واحنا كسعوديين مانلزم احد من الاجانب على عاداتنا وتقاليدنا اذا جو بلادنا لابد ان نكون فطنين |
| الساعة الآن 05:59. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون