شكلج غلط ..!! (البنات)
 

شكلج غلط ..!! (البنات)
________________________________________
شكلـج غلط..!!

و انتي لابسه عباة مفتوحة و الكشخه تحت العباة تبرق من بعيد !


شكلج غلط ...!!

و انتي تسولفين بالتلفون و تتضحكين و الرايح و الراد يسمع سوالفج !

شكلج غلط ... !!

و انتي مشغله المسجل بالسياره و حاطه اغاني بإيقاع و مطوله عليه و السيايير حواليج يسمعون الطقطقه

شكلج غلط ... !!

قاعده بالمحاضره و تتعلكين..


شكلج غلط ... !!

قاعده بدرس ديني و ماسكه التلفون و شغاله مسجات !

شكلج غلط ... !!

و انتي حاطه صورة مغني ببوكج =محفظتج!

شكلج غلط ... !!

و انتي داشه ببلعوم اللي بيع و تكاسرينه غصب ينزل بالسعر وصوتج يلعلع،، وتوصلين لمرحلة الهواش والسب مع الهندي..

شكلج غلط ... !!

لما تشوفين وحدة تعرفينها ،، وتصددين مالج خلق تسلمين!

شكلج غلط ... !!

و أنت قاعدة بالبيت و تنادين الخدامة .. شاندرااااااااااااااا .. جيبي لي ماي !
(.. و يقولون ليش احنا دبب،، تلحلحوا ! )


شكلج غلط ... !!

قاعدة بممرر الجامعة و تقشرين حب = بذور و تتفلين القشور !
( يتحدون من اللي يوصل أبعد !!!!!!!!!!! )
فإن لم تستح فاصنع ما شأت !

شكلج غلط ... !!!

تمشين و عباتج تسحب وراج !

عن ابن عمر رضي الله عنه قال : قال رسول الله صلى الله عليه و سلم : (( لا ينظر الله إلى من جر ثوبه خيلاء )) . متفق عليه .

شكلج غلط!!

تردين على اي واحد يغازلج ويقط عليج كلام بالسوق!!

شكلج غلط!!

تمشين وصوت الكعب يعووور الراس!!


شكلج غلط!!

تطولين لسانج على اهلج واللي اكبر منج على سبب تافه!!


و أخيرا .. شكلج غلط .. !!

و انتي داشة الموضوع و ماتعلقين

خخخخخخخخخخخخخخ
م
ن
ق
و
ل

علشاان ماايطلع شكلي غلط برد

بس بقولك ولا وحده من اللي قلته انا اسويها

يعني شكلي مو غلط

يعطيكم العافيه ويسلمو على المرور

صح كلامك ومشكوووووووووورة






: )

مشكور على الموضوع الروعه

الله يعطيك العافيه ويسلموووووووووووووووو

تقبل مروري زينه

كلامك صحيح بس كان عندي سؤال

يا ترى ليش كلة شكلج غلط وهذا الكلام عن البنات وهم الاولاد ما شاللة ما مقصرين ؟؟؟؟
ليش مافي موضوع اسمة شكلك غلط؟

اكيد مرح يكون فية .....
لان اذا قدرتوا تعدون اغلاط البنات فاغلاط الاولاد لا تنعد ولا تنحسب .....

مشكورين