منتديات روعة الكون - الي تبي تسوي لقافه على اخوها

السلام عليكم هذا الموضوع اذا بدك تعرف كيف اخوك طايح في قصه حب

اذا واحد من اخوانكم يحب وحده ولا يبي يحب او متعرف على وحده يتغير اسلوبه في العيشه اول شي ركزوا معي شو يصير له

1-يهتم في لبسه اذا هو من الاول ما يهتم ويسأل اهل البيت هاه يالاهل شو حلو ولا لا الف مره يروح ويرد اما اذا لابس غترة تشوفونه يعدل فيه وهو ولا يعتدل قدام المرايه اربع ساعات مسوي زحمه هو ويه وج

2-يهتم بقصه شعره ويحاول يطلع سكسوكه ولا سوالف ....

3-يصير حنون ويحب يلعب اخوانك الصغار او اختك الصغيره وااااايد يااااااااحنون انت يا قشطه

4-يصير رومنسي وعاطفي زياده بحيث اذا شاف فيلم رومنسي ييلس ويطالع ويحاول ينزل دمووعه عسب يطلع اكثر رومنسيه

5-طول الوقت سرحان ينتظر شي وشو هو الله اعلم مشغول مو معاكم مو على بعضه بتحسون فيه

6-يبدى يصور من استديوهات تصوير الي تلفتر الصور وتلفتر الصور ويطلع الشيين مزيوون والاسمر ابيض

7-اذا معه مبايل يبي يصير 24 ساعه وهو في يدينه ويبي ياخذ مبايلك او مبايل الوالده يدور رسايل غراااااام معروفه رسايل اخوانه كلها نكت وشغلات مشفره

8-يهتم شوي بموضه البناااااااات تعرفوون يبي يجاري الوقت يعني انه فاهم .

9-اذا هو خلاص متهور في الحب يبدى يلخبط بالاسامي يصير ينادي خواته باسامي ثانيه

10-تبدى كلمات اللطافه تدور بلسانه اول اقلب وجهك لا اقلبه بنعال هاه شنو شنو تبين يلا بسرعه بس الحين يقول يا عيوني يا عمري امري تدللي.... ياعيني على الاحترام يازينه والله من متى ؟؟؟

11- يسوي نفسه شااااعر ويولف شعر رومنسي وهو مايعرف ساسه من كرياسه

اخلاصي
طفله