|
قصيدة شاب في أمه
قصيدة كتبها شاب صار له حادث سيارة ووالدته كانت معه وكان مسرعا
نتيجة هذا الحادث والدته توفيت نتيجة الإصابات الخطيرة وهو إصابته كانت خفيفة وهذي الأبيات قالها للذين يواسونه يواسيني وانا الميت وحالي يجبـر الدمعـات تسيل من الذي فيني ويبكـي وهـو يواسينـي وانا ابكي واتنهد وارسـم بالحـزن لوحـات يجبروني عشان امشي ورجلي مـا تمشينـي قتلت رعايتي بيدي قتلت الحـب والرحمـات حرمت النفس من حقها وانا ابكيهـا وتبكينـي وكنه حلم قدامـي يقيدنـي مـن الصرخـات ابي اصحى ولكني عجزت القى الي يصحيني فداك القلب يايمه ومهمـا قلـت مـن كلمـات صغيره في كبر حقك بـس اتمنـى تعذرينـي نهبت الفرح من بيتي صحيح اني خسيس الذات صحيح اني ولد طايش وكل ما أسمعـه فينـي تجول عيونهم فينـي تفصـل منـي قياسـات وتشيح وجوم عني وكنـي غيـرت دينـي يظنوا حزنهم اكبر وهم اصحـاب هالمأسـات وانا اتحدى اذا فيهم ربع مـا يحتـرق فينـي نقص قدري بعد موتك وغابت نشـوة اللـذات وصـار الهـم عكـازي اباكيـه ويباكيـنـي عطيتيني بدون حساب ولا سمعتك تقولي هات وانا اشرب حيل من دمك ودمك مـا يكفينـي يايمه ارجعي كافي ابجلس معك لـو لحظـات واقبل ايدك ورجلك وافرش لك رمش عينـي يايمه ما تحملهم يقولوا فـات مـا قـد مـات تعالي غيري هالقول واطيعـك باقـي سنينـي واترك عادة التدخين وانفذ مـا تبـي بسكـات واصلي الفجر في المسجد قبل منتي تصحيني يايمه ارجعي تكفين وطفـي شمعـة الآهـات ابيك انتي ولا غيرك علـى موتـك تعزينـي وضميني وداويني مثل مـا كانـت الهقـوات ما ابي احدن يواسيني ابيـك انتـي تواسينـي دخيلك بس لا تبكي اذا شفتي بـي الدمعـات انـا مقـوى ابكـيـك اذا انـتـي تبكيـنـي الله يرحم امه و أمهات المسلمين وانشاء الله ربي يغفرله |
عندما مررت ببيت أمي تذكرت الماضي وقلت هذه الأبيات:
قلـنـا نـمـر الـــدار ونـشــوف الآثـــار هــذا مـكــان أمـــي وهـــذي حـجـرهـا مــا بـاقـي إلا ساسـهـا كـلــش إنـهــار وأطلالـهـا تبـكـي عـلـى الـلـي سكنـهـا يا شين شوف الدار من عقب الأخيـار يا شين شوف الـدار مـن عقـب أهلهـا يــا دار لـــي بـــك مسـتـقـرٍ ومـعـبـار يـوم إن نـبـع الـحـب يسـقـي شجـرهـا أمـي تعشـي الضـيـف و تـكـرم الـجـار ماتـت وهــي مــا أحــدٍ بسـيـة ذكـرهـا تحفـظ كـتـاب الله ولــه عـلـم وأخـبـار و علـى طـريـق الخـيـر ربــي ومـرهـا أمــي حنـونـه طـيـبـه بـنــت الأخـيــار مـعـروفــة بـالـخـيـر كــلــن خـبــرهــا أمــي حـنـانـه لـــو يـــوزع بـالأقـطـار كــفــى بهـايـمـهـا وكــفــى بـشــرهــا أمــي حنـانـه مـثـل زخـــات الأمـطــار ومحاسن أمي عاد مـا أقـوى أحصرهـا حزنـي علـى أمـي مثـل بركـان لا ثــار يقـذف حمـم مـن فـوق كبـدي صهرهـا و حزني على أمي مثل مـوج بالأبحـار قـــام يتـصـافـق و الـمـراكـب دمـرهــا و حزني على أمي دون قيسن و مقدار لـو هـو علـى قـاسـي صـخـور نثـرهـا و يا الله عسى قبـره بساتيـن و أنهـار و علـى الصـراط تمـر لمـحـة بصـرهـا و يا عل جسمـه مـا يجـي واهـج النـار فـــي وســـط جـنــاتٍ تـدلــى ثـمـرهــا |
يعطيك العافيه عالقصيده الرائعه
ينقل لقسم همس القوافي .. |
قصيده في قمة الروعه والحزن
احسنت الاختيار ابيات في غاية الحسره ع فقدان الام الله يرحمها برحمة تسلم يداك ونبض احساسك لاعدمناك..واصل |
| الساعة الآن 03:24. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون