منتديات روعة الكون - أبنســــــى...بــس...نــــســيــانــك!!

أبنسى..لازم انسى..كيف أبنسى وأنتي بعيني
على حد الرموش أنتي وأشوف الكون باعيانك
اببعد..لازم ابعد..كيف اببعد وانتـي سنينـي
أعيشك ياحياتي والضيـاع المـر عنوانـك
عرفتك قبل أعرفك ساكنة في كـل تكوينـي
تغنين بحنان مسكنـة فـي خافـق انسانـك
خذي مجنون حرفي يامها..لا..كلي اخذينـي
انا اخاطب جنونك يامهـا ورينـي اجنانـك
احس اني بدونك شي اساسي ناقـصٍ فينـي
واحس انك بدوني ناقصٍ وانا علـى شانـك
ابيك وميتٍ فيـك وعلـى الفرقـا تحدينـي
بذرت الك الوفاء والي حصدتة منك جحدانك
انا وشلون اببري من صوبك وش يداوينـي
ياليت انك تجودي بالشفاءواشفى من ادمانـك
ياليتك تبحري في ناضري يمـدي فهمتينـي
ياليتك شاعرة حتى تصوني قدر من صانـك
شربتك من ضماي وجف وصلك في شراييني
حضنتك بالعيون ومات همي بيـن ذرعانـك
ابنسى..لازم انسى؟كيف ابنسى وانتي بعينـي
تبين الصدق ابنسى..اية ابنسى..بس نسيانـك

للشاعر ..
ناصر الضويحي