حبيبي جيت من شوق الفيافي بابي لك مفتـوح = دخيلـك لا تخلينـي وتقفـل دونـي ابـوابـك
من الغربه نزل دمعي عليك من الغـلا مسفـوح = ولك الله مالقيت اللي يسـاوي بالغـلا اترابـك
غلاك اللي سكن قلبي حبيبي ليـن تـل الـروح = فدتك الروح يا خلـي لـو انـي مـت بسبابـك
انا راضي اموت ابحب مثلك صدق ماهو امزوح = مدام الحب ظالمني وحظـي عجـز مـا جابـك
تعال انجدد الماضي و اداوي حبـي المجـروح = تعال وموت واحيابـي وانـا بمـوت واحيابـك
لقيتك في دروب الحب تايـه ضايـعٍ مفضـوح = تعاطفتـك و ضميتـك و قلبـي فـز هـلابـك
عطيتك كل ماتطلب و اشوف اليوم عني تـروح = لقيت احبابك ابلحظه ونسيت ابلحظـه اصحابـك
شعوري من طرف واحد ولكن شارحه بوضـوح = اكيد انـك تجاهلتـه و خفـت ابيـوم يوطابـك
صحيح ان الزمن غدار شاح القلب عنك شـوح = وانا ادري ان الزمن لا من نوى عيد على احبابك
صغير السن لاكني لي اهدافـي ولـي اطمـوح = اهاب الله لاكنـي ابـد فـي يـوم مـا هابـك
اذا رديت لعيوني تعـذر لـي تـرى مسمـوح = ترى ما كن شيٍ صـار فينـي سبـة اغيابـك
واذا عزمت في صدك فمـان الله حبيبـي روح = حشا ماوقـف الدنيـا عليـك امـوت واحيابـك
ترى مثلك مثل غيرك تجي وتـروح يالمملـوح = بد ما شلت انا همك ولانـي حاسـب احسابـك