منتديات روعة الكون - الله يرحمه بس مات ازاااااى !!!!

الأول: ازيك وإيه أخبارك وإيه أخبار والدك إن شاء الله يكون بخير بقالي سنين مشفتوش.

التاني: أنا الحمد لله بس أبويا تعيش انتا.

الأول: الله يرحمه أنا فاكر إنه كان عنده القلب.

التاني: أيوه بس هو مماتش بسببه.

الأول: أمال مات من إيه؟؟؟

التاني: الله يرحمه في آخر أيامه نظره ضعف طلع البلكونة مخدش باله من السور وقع وانت عارف إحنا في الدور الرابع.

الأول: الله يرحمه بجد موتة شنيعة.

التاني: بس هو مماتش بسبب الوقعة.

الأول: أمال مات ازاي.

الثاني: عمالناله بتاع 14 عملية جراحية.

الأول: الله يرحمه أكيد مات وهو بيعمل عملية منهم.

الثاني: لا مماتش وهو بيعمل العمليات.

الأول: أمال مات ازاي؟

التاني: خلص العمليات بس كان بيمشي بعكاز وهو بيعدي الطريق عربية خبطتته.

الأول: يا الله الله يرحمه.

التاني: بس ربنا ستر كان لينا جار لحقه خده علي المستشفي بس النزيف الداخلي كان جامد أوي.

الأول: يا الله الله يرحمه.

التاني: وبعد كده سفرناه علي بره وفضلنا هناك ست أشهر لحد ما صحته اتحسنت.

الأول: طب أمال مات إزاي.

التاني: جاله فشل كلوي وفضلنا ندور علي متبرع لحد مجاله تسمم.

الأول: الله يرحمه ارتاح.

التاني: بالصدفة جه واحد قريبنا واتبرعله في آخر نفس.

الأول: أمال مات ازاي.

التاني: مرة وهو قاعد في البيت البوتاجاز كان شغال ومكنش واخد باله والشقة اتملت غاز.

الأول: يا الله الله يرحمه موتة بشعة.

التاني: بس والله جارنا الله يجازيه الخير كسر باب البيت ولحقه بآآآآخر لحظة.

الأول: طب متفهمني مات ازااااااي