بـــنات الســـعوديه..
 

يقولـون العـرب صـوت البنيـة يذبـح الرجـال
وانـا اقـول البـلا بالصـوت ألا يلعن ابـو حـيـة

ترى قولـة آآلـو منهـا تسـوي داخلـي زلـزال
خصوصا لا طلعت قولة "آآآآلـو" مـن سعوديـه

اذوب ان قالت شلونكـ .. عساكـ بخير ...كيف الحال؟
واضيـع اسـم جدانـي اليـا قـالـت شمالـيـه

حلاها شي مو عـادي وميزتهـا ...وسيعـة بـال
هواها يذبح العاشـق ..وفيهـا الشمـس و الفيـه

واذا قالت انا من نجـد .. صدقنـي يجينـي هبـال
وانا أدري ان الحلا نجدي ..وساس الزيـن نجديـة

ابثني خطوتي للزين.. وبطـوي فـي لقـاه أميـال
وينبـض قلبـي بسرعـة ليـا قالـت حجـازيـة

خفيفٍ دمها سكر ...عليها مـن الوصـوف اشكـال
تحيـر مـن يوصفهـا ...لأنهـا غيـر عـاديـة

واقوم ألعب على طروق الشعر ..وآجر لي مـوال
على ألحـان الجنـوب.. أن قالـت بنيـة جنوبيـة

رقيقة كنها النسمه ..جمـال وحسـن عـال العـال
وهي اصـل الشقـا والطـب... لقلـوب الشقاويـة

وأجوب الساحل الشرقي.. واغنـي للبحـر يامـال
وأردد ياهـوى بالـي ..اذا قالـت لـي شرقـيـة

دلعها غير عـن كـل البنـات.. وتشهـد الأمثـال
وتكتبتهـا القصائـد ..ثــم تغنيـهـا الغنـاويـة

وانا لممن سئلتوني..؟ ترى عشقـي ثـرى ورمـال
واموت واحياء على عشقي ..وانا احـب السعوديـة


تحيـــــــــات

منقول

تسلمي ع الرائعة والذوووق الرااااائع


اذوب ان قالت شلونكـ .. عساكـ بخير ...كيف الحال؟
واضيـع اسـم جدانـي اليـا قـالـت شمالـيـه



لاهنتِ يالغلا

مشوووووووووووووره ع القصيده
وصح اختيارك



وانا لمن سئلتوني..؟ ترى عشقـي ثـرى ورمـال
واموت واحياء على عشقي ..وانا احـب السعوديـة

بس مافيه قصيده لنا حنا يالتماسيح


مجبـــــــــــــــــــــــــــــــــــــــــــــــ ور

يعطيك ألــــــــــــــــــــــف عافية ياريم الشهري وفعلآ ما فية أحلا من بنات السعودية وبالــــــــــــــــــــــــذات بنات بني شهر ويستاهلون لقب ملكات جمال الجنوب هذا اللقب من عندي أنا من غير قصور في الباقين

مشكوووورة اخت ريم على المشاركه الظريفه الحلوه
وحبينا نشارك وياكم ولو بشي بسيط
الرجل والمرأة أو المرأة والرجل ولو حبذا قلنا الولد والبنت أو البنت والولد لأننا لازلنا في فترة ماقبل الزواج
كل منهما لايستغنى عن الاخر مهما كانت الظروف
وحبيت اكتب ابيات من نظمي لأني لست بشاعرا بل شويعرا
قالت سمعت البارحه صوت رجال هز المشاعر وأبعد الهـم عني
قالت فيه الخشونه بس يذهل اذهال خلاني طول الليل اسهر واغني
قالت وقالت شي وربي ماينقـــــال تكرم مسامعكم ويكرم لساني
بس البنيه صايره مثل تمثــــــال ماعاد تحرك صابها مافتني

من عجائب الشعر ان الرجل يتحدث بلسان أمرأة وذلك لاعيب فيه
ودمتكم موفقين لكل خير

مشكورين على مروركم
ابو الغلا تسلم على الللقب
العاقل المجنون تسلم على القصيده
ويعطيكم العافيه

ريم


وربي اختيار روعه



ونعم في بناتنا بنات السعوديه


وقليل في حقهن هذا



وانا عندي اهداء بسيط لكل فتاة سعوديه



لو القصيد يعبر احساس انسان
ـــــــ كلً كتب والفخر بنت السعودي