في يوم واحد ياحبيبي تغيرت
 

قصيده للشاعر : ثامر الدقباسي
اتمنى ان تنال اعجابكم




البارحه مابيـن وشلـون يمديـك*** في يوم واحـد ياحبيبـي تغيّـرت
الليـل خلانـي وخـلا طـواريـك*** تلعب بقلبي كـل ماداخلـي ثـرت

سويت شين حدني غصب ماجيـك*** والا قبـل لاسيـر الليـل سيـرت
هدمت كل اللـي بنيـت بتجافيـك*** هدمـت لا والله بالعـون دمـرت

خليتني ماقلت لي شلـون اخليـك*** ليتك بحالي قبل مارحـت ناظـرت
الله كريم يصبـر اشـواق مغليـك*** لاقـام ينثرنـي غـلاك وتناثـرت

والله يسامح قلبي اللـي مواليـك*** اخذت كل اللي تبي منـه وانكـرت
منهار جيت العام تسبق خطاويـك*** واليوم ماكنك قبل جيـت وانهـرت

في ذمتك لامن تذكـرت ماضيـك*** من يطري في بالك اليامن تذكرت ؟
من كثر مافكرت وشلون اراضيـك*** وياك في نفسي ولا يـوم فكـرت

على كثر ماكنت متمسكـن فيـك*** وعلى كثر ماحتجتنـي ماتعـذرت
جيتك وعندي حاجتن بيـن اياديـك*** والمشكله تقدر عليهـا وقصـرت

رح بشر اللي ملتفت لـك يناديـك*** قله تركتـه لخاطـرك ماتأخـرت
صدقني انها غلطتي يـوم اداريـك*** ولا انت لولا غلطتي كان ماصـرت

كبرتـك بعيـن البعيـد وحواليـك*** ابيـك تكبـر والمصيبـه تكبـرت
حاولت اغيّر فيك من كثر مغليـك*** قـدرت لكنـك عليّـه تغـيّـرت

يعطيك العافيه ياااااااااااااااااااااااااااا مشاااااااااااااااااااااااعل ومشكووووووووووووووووووووووره ع القصيده
وتحياااتي لك
__((حررف))__

خليتني ماقلت لي شلـون اخليـك*** ليتك بحالي قبل مارحـت ناظـرت
الله كريم يصبـر اشـواق مغليـك*** لاقـام ينثرنـي غـلاك وتناثـرت
************************************************** *******
على كثر ماكنت متمسكـن فيـك*** وعلى كثر ماحتجتنـي ماتعـذرت
جيتك وعندي حاجتن بيـن اياديـك*** والمشكله تقدر عليهـا وقصـرت
************************************************** *******

يعطيك العافيه كلام مرررررررررره روعه