بسم الله الرحمن الرحيم
السلام عليكم ورحمة الله وبركاته
تحية عطرة لجميع زوار همس القوافي
رائعة للشاعر جاسم بن همام
اتمنى ان تحوز على رضاكم

أبرحـل واكتـم انسـام الحنيـن بدربـك المهجـور = تعبت .. وما تعـب جـرح السنيـن اللـي تناسيتـه
وابنكس كل رايات السـلام .. وحبـي المغـرور = خطـأ يـوم الجفـا سـيّـر عليـنـا واستخفيـتـه
حسبت اني ملكـت الليـل وحـدود المـلا والسـور = حسبت اني ملكـت الحـب بيـدي يـوم ظميتـة..
حسافة والطريـق اعمى..يسافـر بالعيـون شهـور = حسافة يـوم مـر الصبـح فـي عينـي وغطيتـه..
رجعـت البارحـه للأمـس شفتـك كنـك البـلـور = الا يـا حـي شـعـر لانتـثـر ليـلـة ولميـتـة..
ربطت بذكريات الامـس والحاضـر معـاك جسـور = وسرى بـي حسنـك الهـادي وخاوانـي وخاويتـه
يبكينـي الغـلا .. طفـل بكابـي يستبيـح شعـور = واكابر..وادعـي عنـك غــلاك الـيـوم بكيـتـه
اسولف فيك مع نفسي .. واغني معك بنـت النـور = الا يازيـن صوتـك يـوم غنـا ..ثــم غنيـتـه..
سمعتك تطري اشواقـك وتشكـي قسوتـي والجـور = ويبكـي دمعـك الغالـي بقلـبـي لـيـن بليـتـه..
على شط البحر أذكر معـك يـا مـا بنيـت صـور = بنيت أمن الرمـل بيـت وهنـا خلـي بنـا بيتـه..
أجيك اسرع من انفاس التعب في الخايـع الممطـور = واكنـك بالحشـا جمـر كوانـي بــس كنيـتـه...
غفيت بحلمي الوردي ..فـراش وروضـه وزهـور = صحيت ..!! وكن ذاك الحلم اقسـى شـي عانيتـه..
سريت .. وزعلت الخطوه علي وصحت انـا معـذور = هنـا أحييـت حبـات العـرق بدروبـي الميـتـه..
هنا شاورت انا عقلي..وهنا كم ضاع..ضاع الشـور = وهنـا حـزن ذبحنـي مـنـك لكـنـي تحديـتـه..
وشمس الصبح لمت ما بقى مـن شعرهـا المنثـور = وطفل الليـل يرمينـي بحصـى الذكـرى وخليتـه..
صحيح اني بغيت انسى..ولكن ما ضبطـت الـدور = صحيح اني بغيت اصرخ ..وضاع الصوت ما اوحيته
بلاي عيونك اللي لا ضحكت ..واضحا الوجود طيـور = لها كف الوصـل سلـم .. وكـف البعـد قصيتـه..
أبيك اكثـر مـن الأول ..ابيـك وداخلـي مكسـور = دعـى داعـي الجفـا والبيـن.. للفرقـا ولبيتـة..
أحبك كثـر حبـات الرمل..فـي المهمـه المقفـور = ورب البـيـت والكعبه..جفـانـا مــا تمنيـتـه..
غصب باقول مااحبـك ..وانـا أحبـك ورب الحـور = أبرحـل كثـر مـا حبيـت فيـك الحـب واغليتـه..
واذا مرتنـي الدنيـا.. وجـت تسـأل عليـنـا زور = أبكذب ..وادعـي مـا يـوم ذاك الشخـص حبيتـه..
شهر سيف الألم غفلة.. وقطـع مـن وراي جـذور = قتلني .. دون ما يـدري.. وفينـي رحـت عزيتـه!!

وسلامة قلوبكم

دمتم في رعاية الله ؛؛؛