كلمات اعجبتني
 

~*¤ô§ô¤*~*¤ô§ô¤*~ كلمات اعجبتني ~*¤ô§ô¤*~*¤ô§ô¤*~
ياذيب جر العوى وازعجه وين
______وين العوى ياذيــــب صوتك عشقناه
جره وانا بهديك من القلب بيتين
______نـذكــر بـــهـا يــاذيب قــافي بدينــاه
ابذكر الخافي وماشافت العين
______واللـــي جرى للقلب من جور دنياه
واجاوبك بالحال حزن وعناوين
______ لين الـدمـــوع اتفيظ والهم لـــجلاه
الذيب لو يشكي شكى هم ثنتين
______اما بـــلاه الجـــوع او قاصر جـــاه
لا واهنيه يوم يرقى الجبل لين
______ياصل طويل ويزعج الصوت بعواه
مير البلا من هو همومه ملايين
______لــو ينجلي مـــليون مــلايين تـتــلاه
الهم في صدري كتبله دوواين
______واللــي انكتب للقلب صعب يتنـــاساه
لو بشتكي همي لقاضي المساجين
______بـــرّى الجميع ومؤبد السجن نـجــاه
حتى الربيع اللي على وقتـــه يومين
______يشـــيب راسه خايـــف الدور ياطاه
وقتي كما الشعب المعنّى فلسطين
______والحظ له شـــارون وبانت نوايـــاه
وياويل من حده زمانه على اثنين
______حـــظٍ ردي والا عظيدي تـــناســـاه
صارت حياته تكتوي بين نارين
______نار الامل مـــع نار عـــلم تحـــراه
ويالعن ابو حرٍ تلولس بلاسين
______يصنع جميل ويحسب النـــاس تــقناه
اشرب هماج اليا تعانقت مقفين
______والقى القـــراح اليا توكـــلت برضاه
عهد علي والعه في وقتنا دين
______لحزم صليـــب الراس ومافات بنساه
واشيل انا حظي فوق الذراعين
______وآصـــيح انا بالصوت يارب انســاه

صح السانك قصيده معبره



وعن اذنك انسقها



ولك تحيه