الله على صوتك.. لعيونكم وعلى طلبكم
 

الله على صوتك بعد طول فرقاك
يشفي جروحي لي بسبة غيابك

أمني فوادي حبيبي بلقياك
وآقول يعل الله يرجع صوابك

أعشقك يعني كلي بكبري أفداك
مابالغ إن حتى رضيت بعذابك

لي يبتسم كوني بشوفة ثناياك
وتظلم بي الدنيا فلحظة عتابك

أغليك يعني ماحد بقلبي سواك
القلب لك بيتك حبيبي هلا بك

إن كان هالدنيا نعم تتبع خطاك
وش عاد هو قلبي لحضرة جنابك

أهواك هي والله إني صدق أهواك
من هيبتك حتى شموخي يهابك

وأنا الذي ماهزني غير عيناك
اللي بهم أقرا معاني كتابك

أبغيك ياخي صدق أنا والله أبغاك
كلك كذا حتى أخبي سرابك

ماحد في عيني ترى صدق يسواك
ماسمع مارى ماحس غير بنصابك

وإن جاتني في تالي الليل طرياك
ياطول ليلي والعنا والترابك

ودي بشوفك ياحبيبي ولاماك
عجزت واقف أنتظر عند بابك

الله عليك ومشيتك كيف محلاك
حتى شموخك وقفتك وإنتصابك

نظرة عيونك والهدب مع شفاياك
صوبك قلبي بالمحبة وصابك

أرسلت لك قلبي مع الشوق ماجاك؟
ماعاد يتحمل حبيبي غيابك

يغليك يعشقك يبغيك يهواك
يعني أنا كلي أموت فترابك

يــا مـرحـبـا يـــا مـغـلـط فـــي تلـفـونـي مسموح .. مسموح والغلطـات عفويـه
صفريين تسعـه وستـه .. ستـه تمونـي الـرقــم هـــذا فـتــح خـــط الـسـعـوديـة
ان قـلـت لـبـيـك آمـــر هـــذي عـيـونـي فتـحـت ذا القـلـب والنـيـه عـلـى النـيـه
خليـت لـك فـي الحنايـا بصـمـه ولـونـي تفـرق علـى لــون دمــي فــي مجـاريـه
خليـت لــك يــا حبيـبـي بـيـت فرعـونـي يخربـط النـاس فـي الـروحـات والجـيـه
وخليت لك في عيونـي ركـب وضعونـي تـزعـل وتـنـزل تـحـت جفـنـي وفـوقـيـه
يا صاحبـي وان نشدنـي طيفـك شلونـي اقـــول طـيــب وطـيـفـك فــيــه مــاريــه

تحية ودٍ وإعجـــاب كبـــير
بشاعر رماني بشعـــر منيـر
وعبر المجره واجـرام تسير
ساهديه نظمي ببحر قـصــير
وعبر النسيمات وعبر الاثير
سلامي عليكم يفوح بالعبــير

تسلم تسلم خيووووو

على القصيده الي اكثر من رائع


والى لامااااااااااااااااام





تحياااتي


صاحب السمووو طلال