|
قصيده أبكت الشعب السعودي......
السلام عليكم
قصيده أبكت الشعب السعودي تحكي عن مأساة طفل معاق ...رائعة .. الله يشفى كل مريض أن شاء الله وأنا أقول: والمعاق ليس معاق الجسد بل معاق العقل ***** طفولة معاق الطفوله .. أحلى مافي هالحياة مرحله من غير هم كنـّا دايم نبتسم كنـّا حتى لو بكينا ... وجارت الدنيا علينا بعد لحظـات وثواني ... بسمه فينا ترتســم كنـّا نركض خلف كورة ... لا لا أنا ماكنت معهم؟ وحدي بس بعيد عنهم ... كنت أضحك من ضحكهم ... جالس لحالي أهذري!... جالس أحسب كم( كُوبري )*... صلـّحه( أحمد ) في ( ماجد ) ؟؟ والله واجد!! وقبل ما يحل الظلام ... للبيوت نروح نجري ... لا لا أنا ماكنت معهم ! أمشي وحدي بعيد عنهم ... أمشي وأعدد أثرهم! وهم عني يبعدون ... يبعدون ... يبعدون ... إلا( ماجد )! كان مثلي حيل ضايق ... بس حزنـي كــان حارق كان يسألني ببراءه : ... ليه تعرج ؟ ... قلت مادري ! - باستياء - ليش تبكي ؟ قلت مابكي - بكبرياء - ضاق مني ... ثم سألني في غباء ... قال ( وثرايك تـثــابق )؟ وراح عنــّــي ... !! **** كنت أسأل دوم نفسي ... ليش ما أركض معاهم ؟؟ ليش دوم أمشي وراهم ؟؟ وش بلاي ؟؟ أو وش بلاهم ؟؟ ليه أنا غير الأنام ؟؟ زاحمتني الأسئله... كل شيٍ أجهله ؟ وإن تعبت من الإجـــابه... أحظن الحيـــره وأنام . **** مرّت سنين وكبرت ... صار همّي اليوم أكبر حتى دمعي صار أكثر للأسف توي قدرت ... أفهم إني شخص ( عاجز )! يعني بيني وبينكم مليون حاجـــز !!! صدقوني ذي حقيقه ... لا طلعت السوق ... كل مامشي دقيقه القى كل شوي أبله ! يمشي ويناظر صديقه ... ويغمز له يقول : ناظر...! وش يناظر ؟؟ وتتفجّــر في خفوقي ألف ضيقه ووحده في وسط الزحام ... طالعتني باهتمام ... بنت في عمر الزهو ... أي رشاقه ... وأي أناقه ... وأي عطـــور !! قلت في نفسي ياهووووه هي تناظرني بغرام ؟ أو هي نظره والسلام ؟ بس أكيد إنها تعرفني ... شايفتني ؟ شايفتني في جريده ؟ واعجبتها لي قصيده ؟ إيييييه أنا توي افتكرت ... لي قصيده ... كنت ناشر معها صوره بس صوره ... ياسلااااا م وفاجأتني ... لمـّا صارت لي قريبه ... كانت تـتمـتم بطيبه ( يكسر الخاطــر حـــرااااام ) !!!!! وتركت دمعه غريبه ... وضاعت بوسط الزحــام n دمعه كانت تحكي وضعي ... زلزلتني ارتطم قلبي بضلعي ... دمرتني صدقوني ... أصعب اللحظــات وأقسى لاغدا الرجـّــــال يكسر ... خاطر انثى كيف ينسى ؟؟؟ جاوبوني ! **** وزاد همّــي ... يوم فكــّـرت بوظيفه ... ثم زواج أي وظيفه ... وأي زواج ؟؟ اللــي مثـلي ... مهما طالب ... لويلف ولو يدور زين لو حطـــّــوه كــاتب لا ... وعلى بنــد الأجـــــــور ... ماهو رسمي !!! صدقون لو تدرّج ... وصار راتبه يتصاعد وابتــدا وضعه يزين ما أظنه بيتزوّج ... إلا من بعد التقاعد من سنه الى سنتين ! **** وفي النهــايه ... يابلــدنا... مهما كانت تسميتـنا عاجزين ... معوّقين لك عهدنا... وذا قسمنا: أقسم بالله العظيم ... منزل الذكر الحكيم أن أصونــك يابلادي ... من شرور العابثين من مطامع كل حاسد ... من نوايا كل فاســد وإني لك حصن ٍ حصين إنتي ناديني وشوفي ... لا نويتي باجهــاد والله أقهر لك ظروفي ... دامك إنتي لي بــــلاد وباسم كل العاجزين ... دام فينا أصبع يطول الزنـــاد لا يهمــّـك يابلادي ... وازهليهــــــــا منقول للمعلومية |
روعه
وجميله وهذه تسمى الخاطره وما اجملها من خاطره نعم هذه الخاطره التي يجب ان تقراء للاسف جميع الخواطر الان في المنتديات اتجهت الى اسلوب الفلسفه واخذت مسار التلكم في اسياء ليس لها علاقه في المشاعر والتعبير عن النفس واعتقد كل شخص يدخل قسم الخواطر سوف يرى في عينه ما اقصد او اقول كل انسان يحاول ان يثبت بانه مثقف اكثر في فلسفته في كلماتك ليست لها علاقه في التعبير عن الروح والمشاعر ولكن هذا الكاتب كتب في احساس وفسر مشاعرها واصبحت سهلة القراءه جميلة المعاني روعة الاحساس دمت بكل حب وتنقل الى قسم الخواطر لكي يروا الاخوان في قسم الخواطر الفرق بين الفلسفه وبين كلام النفس لكم التحيه |
وااااااااااااااااااااااااااااااااااااااااااااااااا ااو ..
واللة روووووعة فية ذوق و إحساس نابع من قلب .. اللة يخليك لأمك و أبوك اللي ربوك أحسن تربية و علموك الين كبرت و صرت تكتب أشعار .. بس أنا زعلانة يا خوي اكتب في أمك و أبوك و اللة محد يستاهل غيرهم ترى.. و معليش طولت بس ترى عندي ملاحضة على كتاباتك في الأشعار و هي عبارة طبعا عن سؤال : و أعتبر نفسك في محكمة الكبرى و المصحف قدامك و تقول (( أقسم با اللة العظيم أن لا أقول إلا الحق )) إليك السؤال المحرج جداجداجداجداجداجداجدا ... و يجب الإجابة علية (( ضروري )) وتراني راجعة علشان أشوف إجابتك .. أنت كتبت هذا الشعر با الذات في مين ؟؟؟؟؟ با الأمانة تجاوب ok مو تستحي و تسوي فيها حركاااااااااااااات و تدلع مثلي لا خلك رجال من ظهر رجال .. و إنتبة وخذ حذرك تقول مو في أحد ترى أنا ما أصدق هذا الكلام ... تقبل تحياتي .. (( بنووووووووووووووتة دلوعة )) |
| الساعة الآن 11:20. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون