|
عادي احد يفتش جوالك؟وليش؟
الجوال ( مستودع الأسرار )!!
أصبح الجوال جزء لايتجزء من حياتنا اليوميه مانطلع إلا بالجوال ومانقعد ولا ننام إلا مع الجوال غير عن أهميته المعروفه إنه جهاز إتصال صار يحوي أشياء كثيره منها المسجات والوسائط النغمات والشعارات و و و ...!! الجوال مثل السكرتير اللي يذكرنا بالمواعيد والساعات والتقويم اللي دايم مانحط فيه التواريخ المهمه :إمتحانات ، مستشفى ، إجازة ..: والمنبه ( أهم شي المنبه ) اللي يرن الصباح وقت الدوام .. نحط على غفوه وهالغفوه 10 دقايق ومانقوم إلا إذا حد قال لنا :.. قومووووا دووووام متى بتروحوون ...!!! الملاحظ إن فئه عمريه معينه من سن الـ 18 إلى 25 أو 30 سنه يرفضون أي شخص يمد يده ويمسك جواله ودايماََ مايقولون ( لحد يلعب في جوالي ) !! هالجمله البسيطه تحوي معاني كثيره (ممكن تفسرونها ) ليش مانرضى أحد يفتش أو :يلعب: في الجوال هل هو الحرص عليه !! ولا من زوود المحبه !! ولا فيه شي خطير ماودك حد يشوفه أبد !! هل لهالدرجه جوالك خطير ماتخلي حد يقرا مسجاتك ويشوف قائمة الأسماء اللي بجوالك << أهمـ حـاجـة ولا يسمع النغمات اللي منزلها ولا يشوف كم فيديو إستعراض ولا فيديو كليب << وهذا اللي مادري ليش يحطونه!! الأسئله كثيره والتساؤلات أكثر حول هالموضوع ماحطول عليكم بس أخليكم تفكرون وتجاوبون .. في انتظار تفاعلكم... |
خذو الجوال فتشوه على راحتكم
بس لحد يسألني من هذا اللي راسلك المسج الفلاني؟؟؟ ياخي اقرأ وانت ساكت ولا يقول صورة مين هذي؟؟؟ او يجيني واحد ويدخل عالاسماء... وش دخل اهلك تقرأ الاسماء ويسأل منهو فلان؟؟؟؟ حاجات تبكي وربي .:.:. كوكو ولع .:.:. |
السلام عليكم يا
signora والله انا من رايي عادي اي احد يمسك جوالي بس ماهو غريب (( من برى البيت)) لانه فيه ارقام وصعب احد يشوفها خصوصا الارقام الخاصة المتعلقة بالبيت والخ.... لكن احيانا وهذه غريزة في الانسان انه عند تعلقه بشيء يرفض الابتعاد عنه ولا يريد الخلاص منه او الفراق عنه وهناك المعروفين بـــ ((المتطفلين)) من يقوم بلخط الجوال زي ما يقولون ويجلس يقرأ ويفتش تقول ماسك له ملف فضيحة او شيء كذا لكن من رأيي عادي اي احد يمسكه لكن بحدود لانه احيانا يكون الشخص لا يستغني عن الجوال سواء من منبه او انتظار مكالمة مهمة او خلافه معليش طولت في الكلام واسف جدا على الاطالة لكِ ودي يا signora وشكرا على الموضوع الجريء الرائع عازفـــ إحساســ |
انا موبايلي احطة في مكان معين وما عرف عنه شي الا يوم ييني اتصال او اكون طالعة وعاااااااااااااااااااادي عندي ان اي حد يشوفه خاصة الاهل وصديقاتي المقربات طبعا...
|
عادي احد يفتش جوالك؟وليش؟
لا ماهو عادي وليس لأحد حق أنو يفتش في جوالي لكن أذا كان قصدهم حب إستطلاع لا أكثر على صورو نغمات أوكي ويكون برضا مني أنا بس في الأسماء أو شي ثاني خاص فيني لأ وستين لأ وليش؟ لأن هذي خصوصيات خاصه بحامل الجوال فقطوهو بكيفه اذا ماعنده مشكله أحد يطلع عليه يصطفل منو لحالو وماهو شرط ياعزيزتي أنو يكون فيه شي خطير أو ماشابه ذالك أو صور خليعه وغيرها قد يكون مجرد حرص هذه تحيه من أختك أم عبـــــــــاديhttp://www.asmilies.com/smiliespic/girlsonly/032.gif |
مشكورين حبايبي على تفاعلكم مع اللموضوع...
|
مشكوره ويعطيكي الف عافيه على سؤالك
بالنسبه الي اكيد ما اسمح لاحد يفتش جوالي لانه اكيد رح يكون فيه اشياء كثير تهمني وخاصه فيني تقبلي تحياتي |
مشكور اخوي الطير على المرور...
|
موعادي ان احد يفتش الجوال اويلمسة بالنسبة للمراة ماتحب احد يفتحة شنطتها ويفتشها مثل الجوال شي خاص |
يسلموا على المرور..
|
| الساعة الآن 03:15. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون