(((أبشتهر مـا دامنـي بنـت رجّـال )))
 

(((أبشتهر مـا دامنـي بنـت رجّـال )))


أبشتهر غصبٍ عن خشوم الأنـذال
والله مـا قـد كـدرّوا يـوم بالـي

أبشتهر مـا دامنـي بنـت رجّـال
والله فـي تجريحهـم مـا أبـالـي

مـا عندهـم ألا تفاهـات وأقـوال
أجسام نـاسٍ لكـن العقـل خالـي

واجهت في دربي سخافـات عـذّال
يبغون ينهون الشعـر مـن خيالـي

إن كانهم سبعة عشر فيهـم هبـال
أنــا أبحرقـهـم وأزوّد هبـالـي

وأقول أنـا جهّـال جهّـال جهّـال
وإن كان ما يدرون قلبـي شمالـي

وأغيظهم وأهدم لهـم كـل الآمـال
اللي بنوهـا فـي مجـرّة مجالـي

وأمشي على فالي مع الناس واختال
وأسجّـل الأشعـار ويطيـب فالـي

شّيدت لي في قمـة المجـد تمثـال
يبقى على مـر الزمـن والليالـي

تكبر عليه أجيـال ويعلّـم أجيـال
ويشغل خيال اللي من الهـم سالـي

وإن كانها بالعم أو سيـرة الخـال
ترى (ال سعود ) هم عمامي خوالي

هم يحسبون إني لهم ( لعبة أطفال )
يا ويل حالي بس يـا ويـل حالـي

كم ناشبوني في المعاني والأمثـال
والشعر شعري والقصايـد حلالـي

ما عاد باقـي ألا أعبّـر هالأشكـال
بـدري عليهـم يفرحـون بزوالـي

ما حصلوا يمّـي ولا ربـع مدخـال
بنتٍ وأشـارك بالقصيـد المثالـي

ثوب وشنب وشماغ مع رزّة عقـال
ورشّة من العطر الجديـد الرجالـي

وألا الحقيقة كلهـا أزوال فـأزوال
أنـا بنيّـة واستلمهـم لحالـي !!

على حسابي ما يصيـرون أبطـال
بوطا عليهم وارفع الـراس عالـي

ما هم حلايا الزير أو عنتر الخـال
وما هم بعد مثل أبو زيـد الهلالـي

ولا لهم فـي ساحـة العـزّ مثقـال
رخيص مبداهـم ولا هـوب غالـي

لا من كتبت يجيهم الشعـر زلـزال
أرعبتهـم أليـن خافـوا ظـلالـي

وإن عاودوا الحيلة مع الوقت باحتال
وأقول يـا جـنّ القصايـد تعالـي

( ؟ ) ما خافـت ظـروف وأهـوال
ولا هزّها اللي من الخلايـق يلالـي



منقوووووولة

روعه




وصح نقلك ملايين



كفو على القصيده



تحيتي لك

وإن كانها بالعم أو سيـرة الخـال
ترى (ال سعود ) هم عمامي خوالي


اشكرك عالنقل الرائع

والله قصيدة رهيبة وقويييييية

تسلمين يالغالية ،،

أختك : الأمل الباسم

يعطيج العافيه

قصيده في قمه الروعه

سلمت يمناج

تقبلي مروري