منتديات روعة الكون - ودّي اجلس معك جلسه عاطفيّه

«®°·.¸.•°°·.¸¸.•°°·.¸.•°®»ودّي اجلس معك جلسه عاطفيّه
وانثر اسراري والملم بك شتاتي

واعزف ابياتي لحـونٍ سامريّـه
واكتب النوته قلوبٍ حايراتـي !

عشت انا والهم قصه واقعيّـه !
واعترف لك انك اغلا أمنياتـي

ياجمالٍ فالبنـي ماشفـت زيّـه
ياهلاكٍ في هَدَب عينـك نجاتـي

من وهبتك للعيون اجمل هديّـه
وانتي اغلا عبرةٍ وسط عبَراتـي

احفظيها قصة الروح الشقيّـه
سطّرَتها لك ملاحم تضحياتـي

مولدي انتـي وتاريـخ الهويّـه
عنفواني زهرة ايامـي عصاتـي!

كل عمري لك وانا بآخذ شويّه
حالفٍ منساك الا في صلاتـي!

يازهـورٍ ماتضمّـك مزهريّـه
اسكني قلبي وضمّـي ذكرياتـي

وياغـرامٍ ماتشيلـك مقدريّـه
في عيونك تبتدي قصة حياتـي!

فيك مهما قلت للقصه بقيّـه..
لو نثرتك شعر واحييت امسياتي

وسلآمتكم ..

منقولة .. للشآعر .. عبدالله بن عميره ..«®°·.¸.•°°·.¸¸.•°°·.¸.•°®»