منتديات روعة الكون - يــــا شــ ي ــن فـــ اللي من الناس ــــرقى تــــ غ ــــليــــه

ياشين فرقى اللي من الناس تغليه
كنك مفارق نور عينك و شوفه

يا والله اللي ماتشوف العوض فيه
كن الجفا لا راح منزوع جوفه

قلبي من اللي شاف ماطاع ناهيه
مسكين لا جــا الصيف يشتد خوفه

يخاف من فرقى عشيرٍ مصافيه
دايم عليه يا انفاس نفسه عطوفه

اشتاق له واشتاق لامن حكوا فيه
واضحك فرح واقوم كني بشوفه

العشق وإن أشقاك هذي مباديه
لياك من بلواه تبدي حسوفه

له ميزه زينه تغطي مساويه
لحظة رضى والوقت لانت ظروفه

يا زينه لا جاك والوجد داعيه
ويا شينه لا قام ينوي النكوفه

ودعته اللي طول الأيام ندعيه
الواحد اللي كل شيٍ يحوفه

عهد الوفا جبته وضمه بياديه
قلت احفظه ياشوق واحفظ حروفه

،،،
،،
،

وســـــــلامــــتـــكـــــــم ^_^