منتديات روعة الكون - طلبات الحريم من الالف الى الياء""

:00924: قسم علماء الإجتماع طلبات الحريم في أخر نظريه والتي تسمى نظريه الحروف الأبجديه في الطلبات الحريميه كالأتي
الألف : أبي فلوس بروح معزومه عند صديقاتي
الباء : بكره أبيك توديني لبيت أهلي عندهم عزيمة
التاء : ترى اليوم ماني مسويه عشا جيب لنا من المطعم
الثاء : ثلاث أسابيع ما طلعنا الملاهي يا لله ودنا اليوم
الجيم : جيب لي خدامه تساعدني في شغل البيت (البيت شقه صغيره قهر)
الحاء : حبيبي ودي بساعة شوبارد ،مليت من ساعتي الاوميغا (شوفوا النفاق .. توها تذكرت هالأسم)
الخاء : خل الشلة اليوم ، أنا عازمتك نتعشى برا بس على حسابك
الدال : دور لنا فيلا على 3 شوارع وفيها سرداب
الذال : ذيك السنة قلت بتشتري سيارة فان لنا روح اشترها الحين
الراء : روح قدم على أجازه خلنا نسافر أوربا مثل غيرنا
الزاي : زيد مصروف البيت هذا ما يكفي أغراض البيت
السين: سجاد البيت صار قديم غيره يا أخي (السجاد ما كمل سنتين)
الشين: شيل ولدك قاعد يصيح هناك أنا مليت من العيال (وما تمل من الاسواق )
الصاد: صفف الملابس هناك منثورة ،مليت وأنا القط وراك
الضاد: ضبط أوضاعك ،ترى كبرت المسئولية (توها والدة)
الطاء: طالع السيارة سكراب تفشل ،نبي نشتري شبــــــح
الظاء: الظاهر انك ما تحبني ،ليش ما شريت لي عقد الألماس اللي بغيته
العين: عيوني ،اليوم شفت فستان عند زوجة أخوي يهبل ...خاطري بواحد مثله
الغين: غير يا أخي أسلوبك معاي ،كله برود ... حسسني بحبك شوي
الفاء : فديتك حبيبي وين تبينا نسافر هالصيف؟
القاف: قدر يا أخي ،كل شغل البيت على راسي تكرم وساعدني شوي
الكاف: كفاية ملينا من هالبيت متى تشتري لنا بيت أكبر منه
اللام : ليمتى محبوسين في هالبيت ما نطلع مثل خلق الله
الميم : متى توديني لبنان مثل ما واعدتني قبل
النون: نبيك تحجز لنا شاليه في شرم الشيخ طول الصيف . لا تنسى
الهاء: هاه ترى ماشوفك شريت لي هدايا ها ليومين شالسالفه
الواو: ورني شطارتك ، رح لاخوك وخذ منه الورث (راعية مشاكل)
وقد تم اعتمادها من الجمعيات النسائيه والهيئات العالميه...