ايام التسدح قدام القناة الاولى(لايفوتكم)
 

السلام عليكم ورحمة الله وبركاته ,,

يا هلا والله وغلا فيكم



وبصرااااحه انا بخاطري ادبسها في احد التمااااسيح

واظنهااا من مذكرااات.........<<كل بنت تختار الي تبي
التمساح......... يتكلم >>>

المهم انا اليوم سالفتي ياطويلين العمر عن القناة الأولى ياحبي لها بالتلفزيون السعودي ايام الطفولة والبراءة

يوم كنت صغير كنت أقوم مع العصافير وأجلس قداام التلفزيون قبل ماتفتح القناة الأولى اشووف الألوان كانها فوطة الوالد الله يطول بعمره


هع هع هع هع هع هع هع
وبعدها أجلس أغني بصوتي العذب مع السلام الوطني <-----<-----ياعيني عالوطنيه واهم شي لازم اقول طن ططن اخر شي

بعد السلام الوطني أجلس احتري القرآن يخلص واذا خلص قلت صدق الله العظيم <==هذا اللي حافظته

واذا بدا الكرتووون أرووح فيها وافتح هالكشره وماسكرها الا اذا قطعوا علي الفيلم وقالو الإعلانات التجاريه يرفعوووووووون الضغط

المهم انا اجلس اقلب لي مجلة ماجد الين تخلص هالإعلانات
المهم بما اني مدمن افلام كرتون ايام الطفووله ولي ذوقي الخاص <-----<----- احلى ياذووووووق بس لاينط لك عرق

اخترت لكم بعض الافلام اللي حفظتها صم من كثر ما شوفها
1\ الكابتن ماجد

مدري وشلون يتشقلب في الهوا كم قلبه وبعدها يسدد الهدف
ويطيح عالارض ومايجيه شي ماشاء الله<=== ماشاء الله مصدق



يلعن بليسه كل ماجيت العب كوره ابتشقلب مثله مايمديني ارفع رجلي الا واهبد عالارض <<لاتصدقون

والا حركة التوأم منير وأنور اللي كأنهم قرووود

بس اللي مشينها اننا عارفين انه فايز فايز بالمباراه حتى لو بأخر ثانيه يسجل ثلاث اهداف المهم يفوز

بس والله كنت اتحمس معه تحمس مهوب طبيعي واقعد ارفس اللي قبالي

2/- بشار( النحله)...


اسميه ( بيض عيووون) جابلي الضغط وانا صغير على كبر عيوونه امه تمر من جنبه ومايشووفها

وانا عاد من زود التحمس اصااااااارخ اقوله امك ياغبي التفت الي يشووفني يقول يسمعني

هع هع هع هع هع هع

والله (90) حلقه وهو يدووووور امه

3/ سالي


عاد تجيكم سيدة الشاشه الكرتونيه سالي هالبنت قطعت قلبي حته حته من تبدأ الحلقه ا لين تنتهي وانا صياح واهلي يجون يسألوني وشفيك من طقك فيك شي يوجعك وانا مانيب يمهم دموعي اربع اربع
بس كانت تقهررررني بشي واحد
يهااوشونها وهي ساااكته ويكرفونها وهي منطمه
ولاعاد تجيكم بنت الكلب آنسه منشن ياكرهي لها هالخبله ثقيلة دم بشكل مو طبيعي.......

">


4/ هايدي


عاد هاذي اللي صدق بعدو عني اذا جت اخش جووو بقووه

هايدي فتاة جبال الألب والعنزااات والخرفااان
ياحبي لها هي وبيتر
كلير <--- المشلوله الحمدلله ابشركم مشت
وجدها الشديد <-----<----- بس اخر الايام هجدت شياطينه صار حليل
وجدت بيتر العجوز المنتهيه
ولا تهون عنزتها ويكي
بس تقهرني هايدي اذا فصخت الحياء و فصخت فستانها وراحت تطامر مع بيتر فوق التلال <<<<< مايصدق خبر







عدنان ولينة

عدنان ولينا <-----<-----<-----<-----<-----< ياعيني عالرومانسييييه يانااس

هذاا للحين عندي اشرطته من اول شي الى اخر شي

عدنان ذا الي من اول حلقه ماغير لبسه واخر حلقه تكشخ وجاب العيد

ه

والا صديقه عبسي وهو كشته وماغير دايم اصبعه بخشمه
<-----<-----<-----<-----<-----<-----< مقرف بس ونيس



ولينا ذي الحساسه مهيب بناتنا خاليات من الاحساس والدسم<< لاتزعلون امزح مافي مثلكن
وعلام الشرير ياكرهي له هو وج المربع





=================================================


الله يالدنيا الحين كبارنا ماعاد نشوف الا محمد عطيه وهشام وجواد العلي << لاني احبه كتبته من عقلي.. وافلام هنديه وشاروخ خان وفردين خان وتوم كروز وهذا طلع البومه الجديد وهاذي طلعت فديو كليب كسر الدنيا <==احلا بالتكسير..
شفت امس حفلة هيفاء وهبي مع وائل كفوري يقولون انه خطبها -

خخخخخخخخخخخخخخخخخخخخخخخ

مير الحين القناة الاولى مانقرب حولها (بس انا فيني وطنيه شوي احب اشوف الاخبار او وقت الصلاة في مكة او المدينة الله من جد ايام حلوة و ذكرااها احلى )

ه

بس حبيت اعيد ذكريات الماضي <==احلا يالماضي

وايام الطفوله التي لن انساها ولن انسى ابطالها <===لايكثر

ولاتنسوني بالردود

ودمتم بخير

ه
لو اقولكم شئ بتموتون من الضحك
انا ماعندي غير القناه الاولى والثانيه مير الحين شالوها وصار بدالها الرياضيه ومن زود الطفش صرت متابعه لكل المباريات
بس والله احيان تجيب برامج
والاولى تجيب المسلسل بعد سنه وتقطع فيه تحسينه صار سلطه مو مسلسل

تسلم كويتي

لاعدمناك

ه
اصلا الحين انا ما اعبرها ولا احط عليها لو ايش ما صار غصب 1 ولا غصب 2

اشكركم على مرووركم
تحياتى

مشكور اخوي على الموضوع الروعه
ايام زمان عن جد حلوه
تقبل مروري

اشكركم على مروووركم

اميره >>>>>>>>>>>> ايام طفووولته كانت بالسعووديه وكان مايطوووف ولا برنامج على القناه
لكم منى ارق تحيه

ه

الله يعطيك العافية