|
سؤال مالقيت له اجابه .. ؟
بسم الله الرحمن الرحيم اخواني واخواتي اعضاء منتدى روعة الكون.. انا عندي سؤال محيرني وسألت كم شخص بس مالقيت إجابه وودي اناقش معكم الموضوع .. وياريت نطلع بنتيجه .. صراحتاً انا سألت امام مسجدنا نفس السؤال .. ورد علي ببتسامه فقط .... ماعطاني علم ( السؤال ) ليش اخواننا الملتزمين ( المطاوعه ) مايلبسوون عقال ؟؟ سؤال صراحه مالقيت له اجابه لا من قريب ولا من غريب ممكن نفيد ونستفيد .. هل هو بدعه .. هل هو ترف .. هل هوو ... هل هوو .. تحياتي ،، عذب الكلام |
يؤ يؤ يؤ
والله اصعب سؤال مر علي وكنت بسأله لكم بس سبقتني عذب ولكن سمعت من بعض النـاس ان العقال يعتبر تكبر لهذا المطاوعه لا يلبسونه والعلم عند الله |
انا والله اعلم سمعتها من احد مطاوعه العيله الصراحه.........
يقولي طيب هو ايش اسمه...........قلتله ((عقال)) قالي طيب وايش معناه.......((يعني العقل والرشد وكذه)) قالي احنا عاقلين بدون هالعقال.........يعني مايحتاجونه عشان يعقلهم |
أنا أعطيك الجواب الشافي
طال عمرك العقال يرمز في ظن بعضهم الى الخيلاء يعني شبيه بالتاج فهمت فهم من زهدهم يتركوت لبسه وبعضهم عادي يلبسونه عشان يثبت الشماغ وانا قد سمعت شيخ يقول ان قد انسال ليش ماتلبس عقال ؟ فكان رده ان راسه مفلطح وان العقال ماينفع له وماقال له اي اجابه فيها نهي او تحريم فانا توقعاتي والله اعلم انها من الزهد في الدنيا لان اللي يلبس عقال لازم يضبط التشخيصه ويكشخ مو يرسم وهو زاهد في الدنيا هذا رأيي والله اعلم |
اخوووي ونين الشوووق بالنسبه للتكبر ما اعتقد ان هذا سبب مقنع الكبر لله وموو قطعة قماش بـ 50 ريال هي اللي تكبر الناس على الناس شاكر لك مرورك وأسأل اي احد يمكن تلقالنا اجابه اختي : ((AMBR)) قال رسول الله صلى الله عليه وسلم في حديث ( أعقلها وتوكل ) ما ابي احرف بالحديث وانا ماني حافظه والمعنى اربطهاااا وتوكل على الله .. يعني ان العقال في وجهة نظري رباط للغتره او الشماغ والله اعلم .. اما للعقل عاقلين بدووونه ....!! انا الحمد لله عاقل وانا بدون شماغ .. يعني موو اساس تحياتي لك واللي قالك الكلام هذا قوليله العقل مووو بالعقال ولا بالشماغ العقل بفعل العقل .. بس ليه مافييييييييييه عقال .. نرجع لموضوعنا |
يا اخوي الناس لهم عادات وتقاليد اخواننا المطاوعة عادتهم كده ما يلبسون عقال !!!
|
عذب الكلام
هو سؤال وسؤال حائر بصراحه ه في نظري البعض منهم يلبس العقال بكل اريحيه في الحقيقه الان لا املك اجابه لكن سأعمل جاهداً على معرفه السبب الحقيقي او انه هل هناك فتوى او غيرها وسأوافيك ولي عوده |
اختي نزف القصيد .. مسألة انه تاج انا بقولك لا .. قولي ليه ..؟ للتاج اساسات لابد ان تتوفر عشان يقال انه تاج .. اولها يكون من الذهب او الفضه او اي معدن نفيس .. ثانيا يكوون مرصع بأحجار كريمه .. والتاج كان وحطي الف خط تحت كان يضعه الملوك والسلاطين .. اما بالنسيه للشيخ اللي قلتي .. اضيفه لأمام مسجدنا .. يوم توهق قال راسي مفلطح .. اذا راسه مفلطح .. قوليله فيه تفصيل عقل بشارع الثميري .. نرجع لموضوع حديثنا ليييييييييييه مافيه عقال ؟؟ |
روعة الأعضاء : عاداتنا وتقاليدنا بلبسنا للعقال موو بدوون واذا بدون هذا تميز يعني شوفوني ( ...........) المشكله مو مشكلة عادات وتقاليد المشكله ليييييييه مايلبسووون عقال ...؟ اخووي طلال : انا بيني وبينك ولا ليه بيني وبينك .. الا بيني وبينك ماعمري شفت واحد لابس عقال طيب ليه ما يشيلوون الشماغ بعد ؟ ويكون الشماغ مثل العقال ؟ ياريت تفيدنا يا مسسسسسسسسستر تحياتي ،، عذب الكلام |
| الساعة الآن 03:49. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون