منتديات روعة الكون - أحلى علاج للبنات !!!!!!!!!!!!!!!!!!

علاج الملل عند البنات ... !!!

- مسكي التلفون وكلمي صديقه من زماااان ماكلمتيها ... واسترجعوا ذكرياتكم مع بعض اول ... منها راح تمشين وقتك ومنها راح تجددون علاقتكم ومنها تشغلين التلفون 12 ساعه ...

- طلعي برااا بحديقه البيت ولا السطح وفرشي لك فرشه وانسدحي على ظهرك وتآملي النجوم واسترخــــــــــــــــــــــــــي وتاملي ؟!؟!؟

-قصي اطراف شعرك ..كل مازهقتي (( مليتي )) روحي عند المرايه وقصي الاطراف (بس شوي شوي منها) .. اراهن انكم بتصلعون على هالحاله ...

-امسكوا المسجل وسجلوا اصوات العائله وهم يسولفون وسجلوا صوت شخير الوالد وسجلوا صوت الهواشات وكل شيء..

-امسكي ريموت كونترول واحذفي كل القنوات من الرسيفر ورجعي حطيهم من جديد (هذا وجهي ان رجعتي منهم شي ( ...!!!

-سوي عصير برتقال واشربيه ...

- غيرى مكان اثاث دارك ( غرفتك ) ...

- اخذي لـك شور وقعدي ساعتين بالحمام >> اذا ما طلعتي تدورين الفراش هذا وجهي !!!؟؟؟

-نظفوا ماسنجركم ... سووا ديليت للناس اللي من زمان عنهم مادخلوا .. وبلوك للناس الثقيلين الدم …

-روحوا مواقع بطاقات وكاردات وارسلوا لصديقاتكم ..

-ادخلي غرفتجك وحطي فل ميكأب (مكياج كامل) كأنك رايحه لعرس ولطخي وجهك تلطخ وصوري نفسك ..حركة صح !!!

-اذا زهقتي افتحي دولاب ملابسك وقعدي كيسي ملابسك بدله ورا الثانيه >>> يمكن يجي الصبح ماخلصتي من كثرهم !!!

-روحي المطبخ سوي كيكه (هذا وجهي اذا احد اكلها) ...

-سوي ايميل جديد وقعدي لعبي على اللي تعرفينهم ..

-تعلموا لغه فرنسيه هذا إذا انتي تعرفين أنجليزي .. مثلا كلمات معينه فرنسيه واقعدوا اكشخوا فيهم وتفلسفوا فيهم !!!

-اركبي السياره وهي موقفه داخل البيت وكأنك تسوقين !!!

- اقعدي على الكومبيوتر وحوسيه مثل العادة ???

-إخذي مجلات قديمة وقعدي قصقصي صور وحطيها بكتالوج (بتطلع المواااااهب)

- قولي للخدامه سوي غدا (( غوزي )) ولا أي شي ثاني ... وبعدين قوليلها ماتشتهين تاكلين..

الظاهر بعد هالنصايح راح تدعون لي ?!

ينتظار ردودكم !!